豐澤 X 香港明愛 【手提電腦變身計劃】

唔少使用手提電腦嘅顧客，每隔幾年就會因需要提升性能或機件固障而換新機。大部分人可能因舊機殘存資料，而唔敢將其轉賣或回收，寧願棄置一方，最終白白浪費咗一部可能仲有作用嘅電腦。
社會上其實有好多人士，需要利用手提電腦進行學習，但因經濟問題而未能負擔得到。為咗幫助呢班有需要人仕，豐澤今次與明愛合作，推出手提電腦變身計劃。顧客可於全線豐澤門市捐贈手提電腦，並獲得回贈！而所捐出嘅手提電腦，將交由明愛電腦工場進行安全妥善嘅資料銷毀，維修可再用品或循環再造，並將成功修復嘅手提電腦捐贈畀有需要人士，給予佢哋一個學習機會。
立刻了解行動詳情，睇吓點樣可以捐贈手提電腦獲回贈，又幫到人啦！