2024秋冬人氣必備清單

轉眼間又踏入秋冬，除咗係時候執下衣櫃，拎返啲冬天衫出嚟，千其唔好唔記得收埋咗成年嘅秋冬家電！想知道今年流行咩新款電器？又想知道有咩款式係必買？切勿錯過以下秋冬人氣必備清單！

(一) 家庭電器🏠

1. 暖風機及電暖氈

一講起冬天，又點可能唔提暖風機同電暖氈？呢兩樣都可以話係秋冬嘅必備產品。鐘意睇電視嘅可以考慮將暖風機放置於客廳，透過暖氣令成個環境變得暖笠笠，但記住留意發熱方式、房間面積同Watt數等；而電暖氈就最適合訓覺怕凍嘅人士，購買前可以考慮尺寸、溫度調節功能同安全設備，最重要就當然唔好成晚開住佢啦！

天氣凍最怕沖涼，特別係沖完涼著返衫個陣，真係需要無比嘅勇氣。浴室寶嘅出現簡直係冬天嘅救星！選購時除咗可以留意產品價錢、款式、功能等，仲可以考慮體積、耗電量及換氣量。

轉季除咗易病，天氣仲會特別乾燥，令到皮膚又痕又甩皮之外，有時太過乾燥仲會流鼻血。近年越嚟越多人重視屋企嘅濕度而購買加濕器係秋冬使用，部分仲會加入香薰精油，放濕嘅同時達到放鬆舒緩效果。

(二) 廚房電器🍳

近年多功能煮食鍋越趨流行，一部電器可以提供多種功能如火鍋、燒烤、煎炸、煲湯等，方便一眾忙碌嘅都市人，亦都適合香港細小嘅居住環境，容易收納。而秋冬更係打邊爐同BBQ嘅季節，立即入手一個新嘅火鍋爐或燒烤爐係屋企開大餐！

近年多咗香港人重視健康，開始追求養生生活習慣，除咗少甜少鹽，更會減少飲凍飲。即熱飲水機就可以令用家無需等待加熱時間，即時享用熱水及沖調不同熱飲迎接秋冬。大部分飲水機更設有過濾功能，令水質更能得到保障。想支持環保，更可以帶埋保溫瓶外出，減少使用即棄紙杯或塑膠杯。

(三) 個人保養💄

女士們一踏入秋冬又要迎接乾燥嘅天氣，保濕就成為每日最重要嘅環節。市面上有形形色色嘅美容儀，好似HIFU、RF，又有各大品牌嘅洗面機，搭配唔同面膜及精華，效果隨時比得上美容院嘅效果。

人氣品牌︰FOREO ，EMAY PLUS ，JUJY，Duolif

除咗皮膚會乾燥，頭髮原來都會欠缺水份！頭髮係秋冬特別容易變得毛燥乾旱，唔好好保養更會出現髮尾開叉、頭髮斷裂嘅情況。市面上部分直髮夾及捲髮器設有負離子及加熱技術，鎖緊角質層及水份，修護頭髮嘅同時更可以打造造型。