我地享受音樂嘅方式由以前MP3、iPod，到依家隨時隨地戴上耳機打開電話就可以聽到自己想聽嘅音樂，隨住時間而不斷改變。但總有啲享受音樂嘅方式係歷久不衰——黑膠唱片雖然係上世代嘅產物，但係好多音樂愛好者依然會追求聽音樂時嘅「儀式感」，覺得黑膠唱片機播出嚟嘅聲音永遠無法被取代，依然十分鍾情於黑膠唱片機。另外，近年有唔少香港歌手都大玩復古風，推出黑膠唱片，令黑膠唱片機嘅熱潮又再重新興起。時至今日，有唔少品牌依然繼續生產全新嘅黑膠唱片機。但當中如唱盤、唱臂、等化器等等嘅專業知識都會令初入門者感到不知所措。對於黑膠唱片有興趣而又無從入手嘅你就要留意呢篇選購指南啦~

(一) 黑膠唱片機嘅選購要點

以下會介紹黑膠唱片嘅唔同運作方式同佢地嘅特徵，比大家有更清楚嘅了解，之後再作選購！

(二) 黑膠唱片機嘅日常保養

1. 清理灰塵：如果睇到唱盤上有灰塵，應該用靜電刷把灰塵清乾淨，如果灰塵長期堆積，就會造成唱盤轉速一時快一時慢。

2. 馬達：每一、兩年在馬達的軸心滴上一滴車針油就可以，但記得千祈唔好滴太多。

3. 皮帶：定期清潔皮帶以活化皮帶材質，另外每兩三年更換一次。

4. 唱頭：使用細小眼影刷或軟質毛刷將唱頭由後往前輕掃清理；定期用唱頭清潔劑清理針尖頭上嘅熱熔膠；使用MM唱頭，每四至五年，可以用唱頭專用嘅消磁器消磁。

(三) 取黑膠碟正確方法

1. 手指按著沒有坑紋嘅邊同碟嘅正中央

2. 注意手指擺位

3. 盡量避免手上有汗同油等嘅污積

(四) 黑膠唱片放置保存方法

1. 確保唱臂同唱針嘅調整唔會損害唱片

2. 唱片需要放喺通風同乾燥嘅地方

3. 養成聽完唱片後即刻清理嘅習慣

4. 每聽完一次之後，需要等一個鐘或以上先可以聽第二次，否則針尖所產生嘅熱力會影響唱片造成傷害。

5. 收藏時直立並壓緊以防止變形

好啦，講咗咁多都相信大家對唱片機已經有一定嘅認識，希望大家可以透過呢篇選購指南搵到你鍾意嘅產品，令你重新享受音樂帶比你嘅樂趣！