一年一度令各位男士女士頭痛嘅情人節又到喇，唔想臨急抱佛腳到時先慢慢諗？即睇以下5個情人節慶祝活動及禮物推薦！

1. 酒店Staycation

相信唔少人都會book定酒店，同另一半過返個浪漫情人節，但切記要提早揀定同預訂啊，唔係遲咗除咗價錢分分鐘貴成倍，仲好大機會會無位！而唔少人喺staycation個陣都會影相打卡，留個美好回憶，女士們記住帶齊扮靚用品，隨時隨地keep住靚樣！

2. 户外露營

唔想去酒店，同另一半去露營都唔錯架~ 夜晚可以睇到滿天星星，仲可以趁機遠離一下喧鬧嘅都市生活，當去一個小小旅行。無論係露營新手﹑抑或係露營老手，去前都記住留意天氣情況，大風落雨就唔好勉強喇！

3. 炮製情人節大餐

想為另一半下廚，煮返餐好嘅俾佢食？定想同另一半一齊下廚，嘗試煮野食嘅樂趣？首先你要了解另一半喺飲食方面嘅取向，有咩鐘意同唔鐘意食；其次要考慮一下你嘅煮食能力可唔可以應付得到；最後當然要配備適當嘅煮食工具喇！市面上有唔少多功能煮食鍋及其他工具，幫你解決一定煩惱！

4. 打機Boardgame night

有時情人節都想同成班朋友一齊過，除咗可以玩近期流行嘅狼人殺，仲有唔少好玩又新出嘅boardgame岩哂消磨時間。唔想玩boardgame，仲可以同成班朋友組隊玩switch等遊戲，過一個開心歡樂嘅情人節。(*但切記疫情下要注意聚集人數，提高衛生意識！)

5. 安在家中chill一chill

想靜靜地同另一半留喺屋企簡單度過情人節又怕悶？放心！其實有唔少活動都可以喺屋企做架~例如可以食住大餐睇Netflix，Disney +；聽歌chill一chill；裝飾家中，甚至唱k都可以！即入手無線喇叭等影音產品，為情人節做足準備！

諗好慶祝活動就到情人節禮物喇！了解另一半嘅喜好再秘密入手實用禮物，必定令另一半驚喜萬分~仲未諗好買咩好？即睇以下人氣禮物推薦，根據情人類型購買喇！