2024打風必備清單
又嚟到打風季節，打工仔最想就當然係可以有一日嘅打風假喇~ 但當真係打風嘅時候又唔知有咩要預備好以應對個颱風？以下為你介紹一系列打風必備清單，等你喺打風前做好準備，安心留喺家中。
雨傘
相信大家喺大風日子都總會見過一兩把雨傘喺街被吹反或者吹爛嘅場景，呢個時候一把質量高又耐用嘅雨傘就顯得十分重要。除咗幫你擋風，最重要就當然係擋雨！不過喺選購雨傘時都有幾個因素需要多加考慮，例如材質類型、堅固度、紫外線遮蔽率等，即睇 人氣雨傘選購指南 以了解更多。
抽濕機
打風自然會伴隨住落雨，有時仲會落足成個星期雨，令到屋企長期潮濕，晾衫難乾之餘，仲非常容易有異味。有時濕氣太高更會令人感到唔舒服，好似頭痛、容易疲倦等。落雨天使用抽濕機就能解決以上問題，但點樣揀先叫做合適？即睇 抽濕機選購攻略 了解 3 大選購重點！
遊戲電玩
當突如其來多咗一日假期，除咗留喺家中休息，部分人會選擇相約朋友開檯打麻雀，但有時唔夠腳打唔成牌，喺屋企打機都不失為一個好選擇。近年流行嘅 Xbox、PS4、PS5 同 Switch 就成為居家必備嘅娛樂之一，除咗有單人遊戲，仲提供連線對打嘅機會，為打風日子增添一點樂趣。
影視器材
除咗聽歌之外，睇戲相信係香港人最愛嘅娛樂之一，但打風落雨唔想出街睇戲點算好？一於留喺屋企睇喇！近年流行喺家中營造私家影院，只需一部合適嘅投影機，再配合音響及喇叭就可以打造出如戲院一般的效果。即睇 投影機選購攻略 以了解選購要點！
家用健身設備
打風日子同落雨天多咗時間留喺屋企，相對應就少咗時間做運動，對一班熱愛健身嘅朋友嚟講簡直係煎熬！不過居家健身成為大熱趨勢，不同種類嘅健身設備都相繼推出，例如健身單車、家用跑步機，懸吊式訓練器等，即使打風都唔怕無地方做運動喇~ 想知人氣健身設備有啲咩？即睇 人氣家用健身設備選購指南 了解更多！
電子書
除咗動態活動，喺屋企靜靜地睇書增值下自己都係一個唔錯嘅居家活動。而一本電子書更可以儲存多本純文字書籍，提供更多收納空間，亦無厚重書本嘅不便且方便攜帶，成為一眾文青嘅必備物品之一。有興趣入手電子書嘅你即睇 電子書人氣推薦 以了解更多產品功能，以及選購時要注意嘅地方。
電熱毛巾架及乾鞋寶
落大雨下返工，各位打工仔就算有遮都一定會成身濕哂，特別係對鞋啊！對襪濕哂仲要焗住隻腳，真係好唔舒服！呢個時候有電熱毛巾架同乾鞋寶就幫到你~ 快速烘乾濕透嘅鞋類，去除潮濕同臭味仲防止霉菌滋生。安全設計，更加耐用可靠！