夏天嚟喇，相信大家都好想知有咩消暑方法，除咗夏天必備嘅電器如冷氣機﹑風扇﹑雪櫃外，仲有刨冰機﹑梳打水機及攪拌機等。即睇以下消暑攻略，度過香港炎熱嘅夏天！

冷氣機類型❄

要揀心水冷氣，當然先要了解種類同各自嘅特點啦！

窗口式冷氣機

窗口式冷氣機係最傳統嘅冷氣機種類，需用金屬支架安裝喺窗框上或冷氣機台上，所以喺選購前應確認冷氣機大小同家中窗台位置是否配合。窗口式冷氣機身已包含製冷壓縮機同排風裝置，所以啟動時會聽到壓縮機嘅運轉聲音，聲音亦會較分體式冷氣機大。

分體式冷氣機

分體式冷氣機由室內機及室外機兩部分組成，壓縮機同散熱冷凝管會安裝喺室外機，與室內的送風部分分開。分體式冷氣機嘅設計普遍較為長身，加上壓縮機安裝喺牆外，所以運作時較窗口式冷氣機寧靜。分體式冷氣安裝一般比較繁複，並可能牽涉室外高空工作，因此必須選擇可靠嘅工程承辦商。而有些分體式冷氣機並唔包括室外機，購買時可留意價錢有否包括室外機，如沒有則需要額外購買。

移動式冷氣機

移動式冷氣機結構與一般窗口式冷氣相似，差別在於可移動。同樣地， 移動式冷氣機會於前方出冷氣，後方排出相應熱氣，所以需要預留位置排熱、排水，否則不能達到室內降溫嘅效果。  市面上有唔少移動式冷氣機配備額外功能如製暖、抽濕、空氣淨化等，一機多用，用家可根據需要選購。 

選購小貼士📌

能源效益標籤

冷氣機產品上附有強制性能源效益標籤計劃規定嘅能源標籤。標籤上嘅能源效益級別係按照進口商呈交予機電工程署認可實驗所測試結果而計算，分為1至5級，1級能源效率為最高、節省能源最多。 據機電工程署網頁資料，以窗口式冷氣機為例，1級能源標籤比3級節省能源11%；至於1級分體式冷氣機則比3級節省能源36%。 冷氣機愈符合能源效益，就會消耗較少電力，有助保護環境，都可為用戶節省金錢。

窗口式冷氣機保養小貼士

1. 夏季期間建議約每兩周清洗隔塵網、進氣口及出風口一次，以防止氣流受阻，影響效能。
2. 定期安排有經驗嘅技師檢查、保養及維修冷氣。
3. 建議每三年檢查冷氣支架一次。

分體式冷氣機保養小貼士

1. 冷氣機使用時間愈長，機內嘅冷凍管有機會被微粒覆蓋，令冷氣機效能降低同發出異味。建議請專業技師定期清洗冷氣機，確保冷氣機能有效、寧靜而節能地運作。
2. 停止使用冷氣機時，應使用冷氣機本身嘅開關來切斷電源; 如果長時間不使用，更應將電源手插頭由插座拔出。
3. 關閉冷氣機後應至少等三分鐘方可再啟動，否則保險絲可能會銷毀。

風扇選購小貼士📌

一般風扇產品會根據唔同嘅用途而分類，例如有座地扇、座檯扇、直立式風扇、掛牆風扇、便攜式迷你風扇。如果你已經有心水嘅風扇類型，可以根據以下嘅選購重點揀選所需產品！

• 風扇尺寸

風扇扇葉直徑較大，送風量一般較高。一般房間建議使用12～14吋的風扇， 客廳或房間較大則可以選擇16吋以上嘅風扇。 而一般座檯式都係7～10吋的小型風扇。如果想買便攜式小風扇，種類更多，除咗有夾式，手提式，仲有掛頸式等等。

• 扇葉數量以及形狀

風扇通常有多段風量調節，而風扇葉片數量越多，吹出來的風也越柔和；另外也有標榜使用特殊葉片設計讓風力及風量有不同變化嘅產品，選購時可以先了解清楚。

• 無線遙控

當你坐係梳化或者訓喺床上懶得起身時，就好需要有一部附有遙控器的風扇，隨時隨地都可以調節風速同開關。

雪櫃選購小貼士📌

雪櫃空間

揀雪櫃嘅第一個步驟就喺評估屋企可以放雪櫃嘅空間大小。而除咗櫃身嘅大小外，記緊需要喺雪櫃嘅頂部預留5cm以上同側邊預留5mm 以上嘅空間，以保持雪櫃通風同散熱順暢。

雪櫃尺寸

喺選擇雪櫃尺寸（容量）時，你需要考慮家庭人數同生活習慣。如果家庭人數多，要存放嘅食物就會有一定數量，要考慮較大嘅雪櫃。相反，如果只是一至兩個人生活，較小型嘅迷你雪櫃已足夠使用。不妨試吓用以下呢條公式計吓適合嘅雪櫃尺寸：

家中人數×70L＋170L（常備食材100L 加上預備食材70L）

根據公式結果，兩人家庭應需要至少有310L嘅雪櫃，五人家庭則需要至少有520L嘅雪櫃。不過結果只喺粗略估計，只能作為參考。

雪櫃門數

一般雪櫃可按雪櫃門數分為單門式、 雙門式同多門式數種。而最常見嘅雙門雪櫃再細分為上置冷凍式、下置冷凍式同對門式三種。

夏天煮食必備🍨🧉

1. 攪拌專用機器

天氣熱梗係要食啲凍冰冰嘅野消暑啦！要整甜品或調配飲品可以揾攪拌機幫手，如果想飲蔬果汁或其他飲品，就可以按照自己需要，考慮以下機器嘅各種效能啦！

2. 甜品小食派對之選

如果想甜品多樣化啲，最好都係用較專業嘅甜品器材，除咗刨冰、雪葩之外，仲整到乳酪、雪糕等等，只要將材料放入機器，唔洗半個鐘就食得，大人細路一齊玩，安全享受家庭樂！

另外，同朋友聚會梗係又食又玩先至過癮，好似爆谷機、棉花糖機、朱古力噴泉機，造型復古又好玩。加埋具保冷功能嘅無線啤酒打泡機、調酒機同梳打水機，無論飲雞尾酒、有醇厚泡沫嘅啤酒定fruit punch都冇問題，照顧埋唔飲酒嘅朋友，令所有人都飲得過癮！

 

户外活動之選☀

夏天出外一定要小心中暑，最好用方便攜帶嘅小型風扇或流動式冷風機。市面上唔少掛頸免提風扇都有得調節風力，靜音之餘更可以自行調整風扇角度，而小型冷風機有即時降溫功能，製冷範圍亦唔細㗎！有車嘅朋友可以考慮小型隨行雪櫃，車内插電就用得，去郊遊露營嘅時候就隨時都有冰凍嘅野飲啦！