新學年都開始咗一段時間，成日被稱為「大學五件事」嘅讀書、住hall、拍拖、上莊同 part-time 你又完成咗幾多件呢？雖然大學比咗好多自由度我地，令學生可以隨意安排自己嘅時間，學生們可以有更多空間完成學業外嘅目標，但正所謂「Sem頭不努力，Sem尾徒傷悲」，所以千祈唔可以忘記作為學生嘅本份，認真上堂，努力讀書！工欲善其事，必先利其器，想學習效率可以事半功倍，咁就一定要有高質嘅學習用品！各位好學生仲唔快啲參考以下選購指南，下一位過三爆四嘅仲唔係你？

平板電腦

相信啱啱開始大專生活嘅同學最唔習慣嘅事必定係所有學習資料都電子化！以前中學有實體書本之外，老師都會為同學們準備好各式各樣嘅工作紙，但一踏入大專生活，好多時都要自己預先下載筆記！但一個學期有咁多筆記同咁多參考文章，如果要print曬出黎一定會超重！所以有一部平板電腦就可以隨意儲存各式各樣嘅學習資料，絕對可以減輕背囊嘅重量，令到學生嘅學習之旅更輕鬆！

人氣品牌：APPLE , SAMSUNG , LENOVO , PHILIPS

如果另外加配電子筆更可以令你係課堂上隨意地係平板電腦上書寫，更會即時轉化為電子筆記！

手提電腦

雖然平板電腦方便，但未必可以應付部分科系嘅功課！例如電影系嘅學生需要處理能力更高嘅電腦，而平板電腦未必可以滿足當中嘅需求！所以同學們都要根據自己嘅學習需要選購適合自己嘅電子產品！

人氣品牌：MICROSOFT , ASUS , LENOVO , AVITA , ACER

路由器

相信有好多大專生係過去一兩年都以為自己入咗 Online University！因為疫情影響，我地都迫於無奈要留係屋企上堂，無辦法享受真正嘅校園生活！因此都發現到路由器絕對會影響到我地上堂嘅心情，有邊個想上上下 Zoom 就突然斷線miss咗 mid-term 重點？如果你都身同感受，咁就要快啲揀返款適合你嘅路由器！

電腦配件

除咗要有一部好嘅電腦外，其他嘅配件都好重要！如果你係用緊 MacBook，咁必定要有一個 Type-C 多功能集線器，方便你將唔同資料輸入電腦到！另外有好多人愈黎愈重視網絡安全，所以保護個人資料嘅網絡軟件都係必不可少。

按摩器

「休息是為了走更長的路」，係繁忙嘅學習中都記得要抽時間好好休息！人健康冇事，先可以做到世界第一架嘛！快啲選購屬於你嘅按摩器。It’s time to rest!