原本以為受疫情影響無得去旅行，應該唔使買數據卡，點知本地數據卡搖身一變成為抗疫恩物……事關營入面無WIFI，雖然會提供2G上網卡，但據講申請分分鐘都要花兩日！唔怕，我哋為你搜羅咗幾款訊號強勁，網速又快又抵玩嘅數據卡，無論係視像通訊，直播睇片定係打機煲劇都應付到！

 

用數據卡嘅好處

 

啟用限期長 總有用到時

即使本身簽咗上台計劃，都唔怕買咗數據卡會用唔着。佢哋嘅啟用期一般較長，況且數據量用幾多扣幾多，有幸喺依嗰時勢用唔着的話，都可以用嚟看門口。哪天數據用多咗想自己加，或後備電子產品要上網……反正總會有用得着嘅時候。

一插即用 方便快捷

大部分數據卡插入電話後，自動開通服務。否則亦只需按包裝指示輸入申請碼，簡單易用。

免簽約免隧道費 夠哂抵玩

數據卡全部都係預付儲值電話卡，包埋通話及短訊功能而毋須簽約，毋須交隧道費；數據用完先增值或換卡，而唔係每個月重設限額，其實非常抵玩！

配合路由器 變可攜式WIFI

去旅行都知可以買WIFI蛋插電話卡同同伴一齊用。其實本地都可以咁用，原理差不多。住村屋或者唐樓嘅朋友，至今可能都未享受到光纖上網。依??時候可以買一部可插卡嘅路由器，直接以 LTE 網絡分享寬頻。當然，用家要自行衡量數據用量，再選擇合適的數據卡計劃，但的確係解決龜速上網嘅好方法，所以我哋都為你了弛她文末會推薦幾款可插卡嘅路由器。