香港一踏入夏天，天氣就會變得又悶熱又多雨，有時一落雨就好似開咗水龍頭咁，隨時落足成個星期，真係令人咩心情都無哂！除咗落雨要帶遮，原來仲有啲用品係落雨天必備！即睇以下人氣雨天用品選購指南，為呢個雨季做足準備！

抽濕機

落雨天陰陰又濕，屋企隨時濕到可以滴出水！太濕嘅話個人又會頭重重唔舒服，真係好煩呢。呢個時候一部合適嘅抽濕機就十分重要！選購前可以考慮抽濕量、水箱容量同埋有無額外功能，咁就可以揀到部最適合嘅抽濕機！

乾鞋寶

落雨最唔想見到嘅相信就係對鞋濕哂，有時就算噴咗防水噴霧都無用，連對襪都濕埋！唯有乾鞋寶幫到你！只要將對濕咗嘅鞋放上個架到等十至十五分鐘就可以有效去除潮濕同臭味，防止霉菌滋生，同時可以保持鞋型同顏色。

乾衣機及電熱毛巾架

落雨天洗衫想快啲乾，又唔想件衫有臭味？立即入手乾衣機及電熱毛巾架~ 除咗有效乾衣外，仲有除臭功能、燙平衣物功能、除菌功能等等。

衣物護理機

近期流行嘅衣物護理機透過運用蒸氣及氣流以低溫烘乾衣物，避免衣物因為高溫造成收縮或受損，亦都可以快速消毒殺菌及去除衣物異味，有效潔淨、護理衣服，岩哂香港潮濕多雨嘅夏天~

驅蚊滅蚊器

一落雨就會滋生好多蚊蟲，有小朋友係屋企唔想令佢地被咬到周身蚊難？立即入手驅蚊滅蚊器！現時好多驅蚊用品都可以同時應付室內外環境，便攜式手帶或飾物更可以貼身驅趕蚊蟲~

雨傘

出街時除咗記得睇天氣報告，千其要記得放定把遮係袋以備不時之需！遮除咗可以擋雨外，仲可以遮擋陽光，減少曝曬嘅機會~ 唔少人為咗可以隨身攜帶，都會特別注重雨傘本身嘅質量、UV防曬、重量等要點。