等咗3年，旅遊業終於都開始復甦喇！香港人除咗可以逐漸飛去唔同國家旅行，由2023年1月8日開始，政府都宣布首階段通關，市民經網上預約後就可以往返內地旅行/工作/探親。整整3年無外遊，相信大家都抑壓咗強大嘅購物慾！以下係一啲香港人氣必買電器清單，等你可以買定至新至潮電器迎接開關/作為手信送俾居於外地嘅家人及朋友！

相機

旅行又點少得為伴侶同風景留低倩影呢，無論係數碼相機，定係單反/無反，抑或是運動攝影機都各有捧場客，根據自己嘅需要同影相習慣揀選適合相機，為2023年留低美好回憶！

智能手機

新年除咗買新衫，有啲人仲會想換新電話，貪有個好意頭，新年新開始。Apple iPhone上年最新型號發展到iPhone 14；Android用家亦有越嚟越多唔同品牌可以選擇，如Samsung、小米、Nokia等。

電腦

電腦用耐左除咗速度會變慢仲會唔夠容量，做做下野仲可能會死機！市面上有唔同品牌，唔同配備同唔同款式嘅手提電腦；想方便同隨時可用可以選擇平板電腦；而一眾熱愛打機人士就可以選擇近年流行嘅電競電腦。

遊戲電玩

對一眾機迷嚟講，去旅行就梗係要去睇下當地有咩遊戲值得買，或者會唔會可以用更低價錢入手，好似Switch、PS4、PS5等，有興趣嘅就記得出發前做定功課，睇下心儀產品有無貨喇！

無線喇叭

旅行留係酒店嘅時間比想像中長，沖涼或化妝個陣想用無線喇叭聽下音樂/連接電話播放影片？購買一啲方便攜帶同音質好嘅無線喇叭就岩哂你，絕對可以為整個旅程錦上添花！

美容儀

現時有唔少美容儀嘅功效都媲美美容院，例如RF、HIFU等近年受一眾女士們歡迎嘅美容技術，旅行時仲可以帶埋洗面機等幫助深層清潔面部嘅機器，清黑頭外再加保濕，令到旅行咁多日都可以保持靚樣。

風筒及頭髮造型器

旅行就係女士們打卡嘅時候，化完個靚妝，最緊要整埋個靚頭，直髮夾同曲髮器就可以為頭髮帶嚟唔少造型，而風筒就係令到頭髮保持柔順嘅其中一個要點，一啲帶有負離子及使用陶瓷/鈦金屬而製成嘅風筒就可以為頭髮鎖住水份。

旅行用品

3年無去旅行，相信大家都迫不及待想快啲飛/往返內地，一個容量充足嘅旅行箱就絕對岩哂打算去瘋狂購物嘅人士。而 Wi-Fi蛋 同 Sim卡 對需要上網搵路﹑搵餐廳同影相打卡嘅人士嚟講就十分重要。而旅行前及旅行中途都需要用到收納用品及其他相關用品，如翻譯機、安全鎖等。

母嬰用品

為人父母，雖然身在外地，但個心絕對係為咗自己嘅仔女著想，除咗衫褲鞋襪，仲有餵食用品、床上用品、外出用品、玩具、學習用品及衛生用品等，品牌眾多，有時仲會推出禮盒裝，可以一次買齊唔同款式。

健康保健

雖然旅遊業開始復甦，但疫情依然唔可以輕視。血氧儀可以監察用家嘅血氧飽和度、脈搏頻率等身體數據，有助發現身體狀況轉變，並且及早求醫。而體溫計及血壓計亦可以令用家知道自己嘅身體狀況，減低發生意外而不自知嘅機會。