近年越嚟越多香港人愛上飲手沖咖啡，甚至會嘗試親手製作，除咗過程中可以憑自己嘅能力由頭開始沖泡一杯味道好嘅咖啡外，仲可以體會慢活人生，放鬆心情。一杯好嘅手沖咖啡由揀選咖啡粉﹑手沖咖啡器具到沖泡技術都十分講究，即睇以下人氣手沖咖啡用品選購指南，了解唔同手沖咖啡器具，為你帶嚟一個good morning！

咩係手沖咖啡？

與平時使用咖啡機製作嘅咖啡唔同，手沖咖啡可以話喺靠直覺嚟沖泡，第一步係將熱水淋喺咖啡粉上，並透過濾紙、濾杯等咖啡器具，最後萃取出咖啡液。整個過程只需幾分鐘，味道卻可以大大不同。

所需手沖咖啡器具

常見嘅手沖咖啡器具有︰磨豆機、濾紙、濾杯、手沖壺、咖啡壺、電子秤、溫度計。

磨豆機

磨豆機可以分為手動或電動，用作控制咖啡粉嘅粗細程度，如果想飲濃啲嘅咖啡，可以將咖啡豆磨得幼啲；相反想飲淡啲嘅話，就可以將咖啡豆磨得粗啲，取決個人喜好。新手第一次購買手動磨豆機嘅話，建議可以選擇「不鏽鋼、塑膠」材質，優點喺較易清潔，亦都可以保留每一種咖啡豆獨特嘅風味。

濾紙

濾紙嘅功用係將咖啡豆嘅雜質排除，保留萃取嘅咖啡精華。建議可以使用白色嘅濾紙，避免將咖啡同濾紙本身嘅味道混埋一齊。 而有啲用家會淋熱水上濾紙，除咗可以去除濾紙嘅紙味，都可以令濾紙變得更貼服。

濾杯

濾杯嘅形狀會直接影響手沖咖啡嘅萃取時間同水流速度，新手建議可以先選擇最常見嘅錐形濾杯（V60 )，因為其出水口較大，水流速度更快，沖泡咖啡嘅時候就唔會因為造成阻塞而令咖啡出現苦澀嘅味道。

手沖壺

手沖壺嘅壺嘴同口徑大小會影響注水量及水流速度，新手如果擔心自己注水嘅量唔太穩定，可以選擇口徑大小一致嘅細嘴壺，提高穩定度。而水流速度越慢，咖啡萃取嘅所需時間就越長，風味都越偏醇厚；水流速度越快，沖泡出嚟嘅味道就會較清爽。

咖啡壺

沖泡好嘅咖啡會落入咖啡壺中，建議可以喺呢個時候將咖啡攪拌，令咖啡嘅風味變得更平衡。

電子秤

如果唔希望飲到一杯過淡嘅手沖咖啡，建議可以喺咖啡壺底下放一個電子秤，一到210g就停止倒水，然後即刻過杯，以保持咖啡濃度。

溫度計

用作檢查手沖咖啡嘅溫度，一般建議喺85~95℃之間，水溫越高咖啡溶出嘅成分就會越濃，苦味亦更明顯。

立即入手以下人氣手沖咖啡器具，由今日開始將屋企變成Café 喇！