海外選購電器安全及注意事項
近年，越嚟越多人鍾意喺海外購物平台或者外出旅行時購買電器，不過喺買到心頭好嘅同時，亦要留意當地電器係咪適合喺香港使用。由於世界各地嘅電壓有所不同，如果將電器連接上電壓不相容嘅插座，有機會令電器受損或引致火警危險。
選購電器注意事項
1. 電器電壓
購買電器前要先清楚電器嘅電壓。如果電器係採用國際電壓設計（即電壓為100V-240V），就毋需搭配變壓器（俗稱「火牛」），可以直接使用電器。相反，如果電器只採用當地電壓設計而其電壓值有別於香港嘅電壓，就需要搭配變壓器才可以使用。
電器電壓與電力供應電壓之間嘅差異可以影響電器嘅性能。電壓值低於 200V 嘅電器並唔可以直接接駁到香港嘅插座，否則電壓變得供過於求，有機會導致電器損壞，存在危險。
2. 電器插頭
購買電器前亦要留意電器嘅插頭。如果插頭形狀同香港嘅插座唔一樣，就要搭配轉插器先可以使用電器。
3. 電器保養
不是所有海外電器都享有全球保養服務，購買電器時要了解清楚電器嘅保養範圍和保養期。
4. 關稅
喺海外購買電器有機會徵收關稅。購買電器時可以選擇光顧帶有免稅標籤嘅商店，或向商店清楚確認該電器能否進行退稅。
中、日、美電壓及電器插頭類型比較
地區 |
電壓 |
頻率 |
電器插頭類型 |
|---|---|---|---|
香港 |
|
|
|
大陸 |
|
|
|
日本 |
|
|
|
美國 |
|
|
|
大陸
大陸電器嘅兩腳扁型 / 兩腳圓型插頭 和 香港嘅三腳扁型插座 形狀不同，需要搭配轉插器才可以使用電器。 購買電器時可以留意貨品有冇印上生産廠名稱、地址，有冇持有産品合格證，仲可以留意該電器有冇CCC認證嘅標誌同埋ISO 9001品質管制體系認證。同時也要檢查清楚發票收據上所寫嘅電器名稱、型號、價格、貨號係咪同商店出售時嘅情況一致。
日本
日本電器嘅電壓比香港嘅電壓細，不適合直接連接香港插座使用，需要搭配變壓器。另外，日本電器嘅兩腳扁型 / 兩腳扁+圓型接地腳插頭 和 香港嘅三腳扁型插座 形狀不同，需要搭配轉插器才可以使用電器。 要留意嘅係 日本電器嘅保養範圍大多僅限於日本國內，所以貨品一離開日本就會失去保養。
美國
美國電器嘅電壓同樣比香港嘅電壓細，不適合直接連接香港插座使用，需要搭配變壓器。美國電器嘅兩腳扁型 / 兩腳扁+圓型接地腳插頭 和 香港嘅三腳扁型插座 形狀不同，插頭亦需要搭配轉插器才可以使用電器。