新屋入伙，往往都會想為屋企添置唔同裝飾或者設計成一個舒適環境俾家人同伴侶居住。而近年亦有唔少人會追求「侘寂」嘅日式設計精神，一種追求「本真」同「純淨」生活美學嘅觀念，發展出簡約家居風格，受唔少香港人追捧。當中唔少日系家品設計簡單實用，想為家居增添一啲新家品？即睇以下人氣日系家品選購指南。

浴室用品

日本泉州地區生產毛巾已有 130 多年嘅歷史，品質優良，生產時會遵循洗滌同漂白嘅程序，以洗去粘合劑、殘留油同其他雜質，令毛巾具有極高吸水性外，亦保持棉料鬆軟，非常柔軟親膚。

餐具

陶瓷餐具當中「美濃燒」應該係最為人熟悉嘅一種日本陶瓷，外表美觀，價格相宜，有時甚至會將傳統設計加入現代時尚感，營造獨特感覺。想打造日式餐桌，美濃燒不可缺少。

廚具

喜歡玉子燒的朋友一定會佩備一個玉子燒煎鍋在家中，方便隨時製造一份美味的玉子燒與家人及朋友享用。而一些日本製烹調用品更有窒化加工，將普通鐵經熱處理轉為氮化鐵，強度較普通鐵強，唔容易生鏽、抗腐蝕性亦高，煮食時都無咁容易沾鍋。

裝潢擺設

日製收納用品設計同用色簡單，多數以單一顏色為主，著重實用性同性價比較高，適合一啲想打造房間或家居成日式簡約風人士。