2024驅蚊滅蚊器選購指南及人氣推薦
話咁快夏天又到，係時候告別日短夜長嘅鬱悶，換上輕爽衣物，盡情投入生活。只可惜鍾意吸血嘅蚊都喺呢個時候最活躍，防蚊措施無做足的話，分分鐘就被佢哋咬到全身蚊赧，又紅又腫，又痛又痕。好彩，只要搵啱工具幫手，要過一個無蚊嘅夏天都好容易！
防蚊器選購要點
使用場景
防蚊器可分為室內、戶外用，同埋便攜式三大類。現時好多防蚊工具都採用電池或者Micro-USB供電，可以同時應付室內室外環境，一舉兩得。至於便攜式主要係手帶或飾物，方便貼身驅趕蚊蟲。
驅蚊VS滅蚊
手帶或飾物型嘅驅蚊器主要透過聲頻技術嚟防止蚊蟲接近，有效範圍大概3至5米。至於室內、室外嘅防蚊產品，有分用嚟誘捕滅蚊同埋驅趕蚊蟲兩種。前者有分吸入式同傳統嘅紫外線滅蚊燈；後者有超聲波型或氣味型兩種可以揀。
使用滅蚊器小貼士
1. 應該夜晚熄咗燈先用，有日光嘅時候效果不大。
2. 應該同人保持一定距離，因為人體呼出的二氧化碳量大，放得太近蚊子仍會被人的氣息吸引。
3. 應該放喺通風良好或有空氣對流嘅位置。
4. 定期清理滅蚊器，包括光管同風扇，先可以保持佢對蚊蟲嘅吸引力！
▾吸入式滅蚊器之選▾
吸入式滅蚊器主要靠紫外光燈誘蚊，內置風扇會將虱近的蚊蟲吸入集蚊盒，以風乾形式將蚊蟲殺滅。近年這類滅蚊器大受歡迎，因為集合咗光、風甚至模擬人體氣息嘅技術，誘捕蚊蟲效果理想之餘，過程無煙、無味、無聲，無化學劑又環保，無論室內室外，甚至睡房都啱用。
推薦品牌：German Pool , BIOTRAP , MO-EL , IMA
▾便攜式氣味驅蚊器之選▾
有些便攜式氣味驅蚊器是透過丁烷燃料筒加熱驅蚊片芯，散發氣味驅走附近嘅蚊或者黑蠅。12小時有效，可形成15 x 15英尺（225平方英尺）的保護區域以防蚊子，特別適合露營用。有些則主要由碳酸氫氨、乳酸等混合製作而成，以蚊子喜愛的氣味（仿人體氣味）吸引各種蚊子。引蚊餌可增強蚊燈的滅蚊效果。
推薦品牌：Thermacell