慶祝親朋好友搬遷新居，齊齊去新居食餐入伙飯是值得高興的事。但最近有網民分享獲新居入伙的同事邀請到訪其新居，更準備一份「禮物清單」列明想要的入伙禮物，而嚇親事主。其實唔駛咁尷尬嘅！只要同屋主好好溝通，再加埋我們為你精選的實用、唔失禮的入伙禮物清單，豐儉由人，任君選擇，咁你又可以輕鬆揀禮物，屋主收到又開心。

送禮前注意事項

 

1. 咨詢屋主/朋友們意見，避免重複

購買前最好先咨詢屋主和同行的朋友們，確認物件會否重複，以及屋主的需要，避免做成尷尬和浪費。

2. 根據入伙狀態，選購合適禮物

可以根據屋主的入伙狀態，因應新婚同居/搬遷/獨居/有寵物等情況，而選購不同禮物。如果朋友新婚同居，家中用品多數都未必齊全，需要添置較多新用品，所以送禮選擇都相對較多；若是朋友舊屋搬新屋的話，可能他們已經有較齊全的設備，所以可以應屋主的需要，選購用來調劑家中氣氛用的裝置用品；若朋友是獨居入伙的話，可以考慮娛樂用品給屋主解悶時用。

3. 憑屋主品味喜好挑選禮物

被邀請到新居作客的你，必定和屋主的關係很好，相信你對屋主的品味和喜好有一定的認識。所以你可以根據你對他的認知，選購他心儀的家居用品。

4. 需要考慮新屋的位置和大小

你也可以根據屋主新居的位置方位，去選購禮物，例如新居位於樓層較高、面向西北的位置，冬天必定會較凍，你便可以選購保暖必用的禮品給你的朋友。當然亦要考慮新屋大小，切勿揀選阻礙空間的禮物。

推薦禮物

1. 吸塵機

吸塵機一定是每個家庭首要必須的用品。有專業家居收納師建議，每日一小步的打掃，將日常家務簡單化，可節省打掃時間成本，所以一部無線的吸塵機每日隨手用來打掃，絕對能幫助你的屋主朋友。

2. 三合一冷暖風空氣清新機

香港地室內空間狹小，邊度夠位買齊風扇、暖風機、空氣清新機？愈來愈品牌推出三合一冷暖風空氣清新機，啱晒住係蝸居的朋友們，絕對係麻雀雖小，五臟俱全！

3. 即熱水機

睇到呢度提提你「見字飲水」！飲水最方便就不得不提近年最受寵的即熱式水機，想要熱水無需等待，唾手可得。即熱式水機還有個深受歡迎的功能：選擇不同水溫，方便沖調唔同嘅飲品。絕大部分都細細部，啱晒新居入伙！

4. 氣炸鍋

如果屋主是「無飯夫婦」的話，好日都唔煮下飯，氣炸鍋就啱晒他們！現時市面上愈來愈多氣炸鍋用的包裝食物，放入去氣炸鍋就搞掂，懶人必備！

5. 蒸焗爐

同樣都是方便煮食的代表—蒸焗爐，同時配備蒸煮、烤焗等功能，只需要一機就可烹調多種菜色；又夠慳位、蒸煮時更唔怕整到周圍好熱好焗。地獄廚神都變煮藝高手！

6. 洗碗碟機

每十個人裡面就有十個人都唔鍾意洗碗！唔駛再推黎推去邊個洗碗啦，送部的的骰骰嘅洗碗機，保你朋友屋企家庭和睦！

7. 榨汁機/豆漿機

如其帶「兩梳蕉」上去入伙派對，不如真係送部榨汁機俾朋友！提醒朋友做運動Keep Fit之餘，都要記得均衡飲食，自製果汁和豆漿補充營養。

8. 家品裝飾

家中小細節絕對影響整體的氛圍，所以要嚴選實用的小物，不論裝飾品或廚具，必要時可以派上用場。

9. 寵物用品

揀入伙禮物點可以漏咗地位崇高的主子們呢？為他們準備定飲水機、餵食碗、貓廁所等等是常識吧！你咁識做，主子們就一定歡迎你再來作客。

10. 電子磅

係咪冇諗過買電子磅做入伙禮物呢？電子磅其實是好多新居入伙的屋主容易買漏的物件，永遠想用的時候先發現屋企無。入伙禮物可以考慮下，而家電子磅又多款式，又多功能，可測量用家的體重、肌肉含量、身體脂肪含量，計埋BMI、基礎代謝、肌肉質量都無難度，可以提醒下你朋友搬屋同時，都要注意健康。

11. 咖啡機

識得品味生活的屋主，最適合送咖啡機給他們。咖啡機放在家中顯得更時尚，而且又實用，屋主用來招呼親朋好友就最啱用。

12. 座檯式喇叭

一個人或還是一大班人，安在家中最好的娛樂一定是聽音樂。當然需要一個高音準、低音勁的座檯式喇叭帶動氣氛。而且大部分座檯式喇叭的設計都靚得像裝飾品一樣，絕配北歐式設計的家居。入伙禮物選這個絕對沒錯！