要數香港人嘅娛樂，一定唔少得唱K，但疫情下，K房需要關閉，少左個地方但又好想盡情唱歌點算好？現時有好多唔同嘅唱K神器喺市面推出，以滿足各位K歌之王嘅需求，就算係屋企都可以置身K房之中。即睇以下卡啦OK器材人氣推介，一於安在家中唱返夠本！

新手級

只需一個配備麥克風嘅手提式藍牙喇叭，即集Mic同喇叭於一身，再連接具藍牙功能嘅手機、平板電腦或電視，即可同家人/朋友一齊享受唱k嘅樂趣。有啲產品更具不同音效兼提供立體聲，真係屋企都如K房啊！人氣產品如Pure Acoustics嘅SingBar，體積細細，只有250x95x60mm，但總功率高達20W RMS，最大輸出更有100W，加上兩個高質素揚聲器配與低音反射孔發出爆炸性3D立體聲，並配有2支高保真UHF超動態無線麥克風，開mic後自動配對，隨時隨地都可以開個唱喇！而Monster嘅可攜式唱K麥克風手提藍牙喇叭更提供一鍵消除人聲功能，喺Apple Music或者Spotify到揀好心水歌曲之後，就可以望住歌詞大大聲高歌啦！

專業級

如果想追求更好音質，入手soundbar或效能更高嘅喇叭會係一個不錯選擇。部分喇叭如Pure Acoustics嘅EdgeWater具獨立音量控制，更可以插入高端電容式麥克風，面板更設有調教轉鈕，輕鬆調教低音及高音。而soundbar則齊備左中右聲道，有啲更可以額外加配無線超低音喇叭，完善重低音音色，迎合唔同用家嘅需求。即睇人氣soundbar選購指南了解更多！