「綠色生活」、「環保」、「可持續發展」等等嘅字眼唔再係空談！近年好多商家透過推出各種活動同優惠，向市民推廣「低碳」、「走塑」嘅綠色生活，鼓勵市民從生活小改變做起，輕鬆將環保融入日常，所以GO GREEN一啲都唔難！

綠色生活小貼士

1. 主動「走塑」

要解決嚴重嘅塑膠污染問題，就唔可以忽視源頭減廢嘅重要性。為咗響應環保，近年好多餐廳都唔再主動提供飲管，所以大家可以做多一步，自備環保杯套同飲管。

2. 自備水壺，慳錢又環保

大家知唔知製造、運輸到上架樽裝水，總共可以排放成千上萬公噸嘅二氧化碳！想減少呢啲「碳足印」，我哋應該減少購買樽裝水，改為自備水壺。

3. 帶飯盒、走餐具

買外賣嘅時候，相信個個都試過俾人問走唔走餐具。其實塑膠餐具喺堆填區所佔嘅比例愈來愈高，分分鐘「塑膠圍城」！而我哋可以做嘅，就係減少使用塑膠餐具，轉用環保餐具同飯盒。

4. 使用純素香氛產品

生活中經常聽到以動物為香水原材料嘅殘酷事實，好似龍涎香就係取自鯨魚腸道。而純素香水同香氛蠟燭顧名思義，只會對植物進行天然萃取，完全唔含動物成份！所以熱愛香水嘅女仔們不妨考慮入手純素芳香產品。

產品推介

1. 環保飲管及杯套

夏天熱辣辣，只要路過飲品店，總係忍唔住買杯涼浸浸嘅手搖飲品～ 不過杯身好快會冒水珠。如果唔想隻手濕曬，可以考慮Elephant Cuppa大象杯專用杯套，加埋輕巧嘅大象杯同配備嘅粗幼身環保飲管加清潔飲管嘅小毛刷，乾淨又衛生。外出嘅時候仲可以用ZOKU嘅伸縮不鏽鋼飲管，體積細小，方便攜帶！

2. 環保水壺

好多飲品店都會推出各種有關低碳生活嘅活動，例如只要客人自備水壺裝飲品，就會獲得額外優惠，啱曬一眾飲品控，GO GREEN小能手仲唔係你？而市面上有好多實用嘅環保水壺，主要由可再生資源製成，不含有害物質，部份更內置紫外線殺菌功能，十分安全可靠，而且有啲水壺例如Stojo嘅仲有摺叠式設計，方便攜帶至極！

3. 環保餐具

唔知大家有冇遇過，食蛋糕嘅時候將金屬叉放入口，就會有陣金屬味喺口腔入面散開……真係好掃興。如果選用鈦金屬製造嘅餐具，即可避免以上情況發生。耐腐蝕係鈦產品最大嘅特色，所以進食時唔會溶出物質，唔駛再忍受金屬異味，能夠品嘗美食嘅原味道。而Slowood嘅鈦餐具係折疊式設計，有別於一般餐具因無法折叠而浪費空間，方便輕巧又堅固耐用。玻璃飯盒同樣唔會有異味問題，Glasslock強化玻璃盒使用嘅材質健康、環保、無毒，而且容易清洗，唔會殘留氣味同色漬。

4. 純素香水及香氛蠟燭

Juniper Ridge香水是透過蒸餾各種植物，再提取其中香氣所配製嘅，而呢啲野生收穫嘅精油混合物就係Juniper Ridge香水嘅芳香基礎。另外，Dani玻璃蠟燭以大豆製造，由於大豆嘅燃燒溫度較低，有效延長蠟燭嘅燃燒時間50%，更可燃燒約60小時！純素香水同香氛蠟燭材料天然，香氣純粹，一齊香噴噴過綠色生活啦！

5. 天然手工皂

手工皂一樣成份天然，例如Blue Earth嘅純素肥皂係由百份百全天然草本成份及精油製成，而且功能齊全，能為皮膚消炎、去角質、舒敏等，環保之餘仲可以護髮、護膚。