又到聖誕！又到聖誕！又到了一眾小朋友許願要聖誕禮物的季節了。作為聖誕老人的你，仲未決定到買咩俾小朋友？想禮物實用安全、又可以同小朋友一齊玩增進感情？推薦這 11 款兒童聖誕禮物，絕對能陪伴你們渡過溫暖充實的節日！

STEAM益智玩具

近年小朋友的學習都注重多元發展，培養獨立解決困難問題的能力，建立實踐的精神，寓學習於娛樂。同小朋友一齊玩最希望他們多思考、嘗試動手做，而益智型玩具有助家長小朋友增加溝通機會，一起解難，提升小朋友的自信心，對子女的成長和發展絕對有很大幫助。

音樂娛樂禮物

音樂刺激大腦，幫助舒緩情緒，聽音樂更能讓小朋友逃離緊張繁忙的學習生活，釋放壓力，一對能保護小朋友耳朵安全的耳機必不可缺少。而學習演奏樂器更可以令小朋友的大腦保持靈敏，增強創造力。能連接手機應用程式的便攜智能鼓棒讓小朋友隨時隨地創作，又可以訓練他們全身肌肉，仲唔會佔據家中空間，一舉三得！

滑板車 / 三輪車

難得有假期陪伴小朋友，遠離一下電子產品，當然不能缺少一齊戶外活動，舒展筋骨的時間。小朋友透過玩滑板車和三輪車可以訓練平衡力，有利下肢及腰部肌肉的鍛鍊，藉此更可鼓勵他們挑戰自己、提高孩子的冒險精神。

3D打印機

今時今日小朋友的學習能力強，他們的創造力量同幻想隨時會嚇你一跳。一般市面上的玩具未必能夠滿足他們的需求，咁不如鼓勵他們自己玩具自己整？利用 3D 打印機，讓他們先學習在軟件上畫圖，再印出自己創造的玩具，對小朋友來說一定非常有滿足感！說不定到他們熟習之後更可以畫出心愛的動漫人物，例如鬼滅之刃的角色，製成獨一無二的 figure！

暖手器

寒流來到，唔忍心見到小朋友返學凍冰冰，都會想買啲暖包俾他們暖下隻手，但即棄暖包又怕焫親又唔環保？現時市面上推出了充電式的暖手蛋，輕巧易容易攜帶，可以調節溫度，又能循環再用，有啲仲具備外置充電器的功能，一機兩用！

智能手錶

兒童智能手錶最大賣點是確保孩子定位與聯繫，有些新推出的智能手錶更配備運動數據追蹤及睡眠監察的功能，通過小任務完成運動目標，有助鼓勵小朋友建立健康生活習慣。另外亦可考慮小童八達通卡通手錶，睇時間、返學、搭車、買嘢食都方便！而大部分智能手錶都有一定的防水功能，唔怕小朋友洗手整濕啦！

兒童影視娛樂

想從小朋友的角度暸解多啲他們的想法，窺探下他們的內心世界，送一部兒童專屬的相機，操作簡單，輕巧便攜，影乜想表達乜野由佢哋話事！加埋部兒童迷你投影機，齊齊睇返他們拍攝的照片及影片，又或者一齊睇下Disney+ ，冇咁傷眼，睇幾耐都得，實係最好的親子活動！

造型小夜燈

小朋友到咗適學年齡，不少家長都希望子女學習獨立，讓他們可以自己一個睡覺。小朋友半夜驚醒，周遭一片漆黑總會覺得惶恐害怕，添置一盞床頭小夜燈在小朋友旁邊，只要拍一拍開燈，就可以陪伴及安撫他們繼續安心入睡。

保溫瓶

色彩繽紛、圖案可愛的保溫瓶絕對適合適學年齡的兒童。不論到戶外活動、還是在學校使用，有兩款杯蓋選擇，配合不同需要。小朋友在冬天幾時都飲到暖笠笠的水啦！亦要留意保溫瓶內有防沾塗層，方便清洗，給小朋友用安心又放心。

兒童電動牙刷

培養好小朋友護理牙齒的好習慣，不妨送兒童電動牙刷。圓型刷頭尖有助保護牙齒、牙齦，並讓法郎質不容易流失。牙刷上又印有精美的卡通人物，增加刷牙的樂趣。電動牙刷設有 2 分鐘刷牙提醒，讓小朋友正確護理牙齒。