去旅行固然開心，但如果搭飛機時瞓唔著，尤其係長途機或凌晨機，休息唔夠的話，或多或少都會影響成個旅程體驗！為大家整理出5招極速入睡技巧及坐飛機必備用品推介，希望以下呢啲小技巧可以令大家喺飛行過程中得到充分休息，一覺瞓醒就到到目的地啦！

第一招：選擇合適的飛機座位

避免選擇靠近廁所或機艙廚房的位置，以減少其他人出入的干擾和噪音。建議選擇靠窗的座位，方便控制窗戶的遮光程度，還可以靠著機艙牆壁瞓。另外亦推介選擇機艙較前的的座位，因為引擎和氣流所引起的噪音都會相對較少。

第二招：穿著舒適的衣物

衣著方面不妨選擇寬鬆舒適的衣物，例如運動長褲﹑棉質上衣等，盡量不要穿牛仔褲或穿戴皮帶或領帶等緊身配件，亦可換上拖鞋。由於機艙內氣溫較低，建議帶件外套保暖，助你在機途上保持舒適易入睡。

第三招：避免咖啡因和酒精

上機前避免飲用含咖啡因或酒精的飲料，不但會讓你保持清醒的狀態，還有利尿作用，令你頻繁地去廁所，影響睡眠。

第四招：挑選與自己睡眠時間吻合的航班

其實選擇「red eye flight」紅眼班機的夜晚航班也是個不錯的選擇，令身體及生理時鐘更容易適應，更易入睡。

第五招：帶備舒適的機上用品

搭飛機當然少不了一個舒服的頸枕、眼罩，甚至耳塞或耳機，幫助你絕噪音和光線，更容易入睡。不妨睇睇以下坐飛機必備用品推介，讓你有更舒適的睡眠休息啦！

#1 旅行頸枕

狹窄嘅乘客座位唔可以打平瞓，靠椅背瞓又容易肩頸痠痛，呢個時候好需要一個舒服好用嘅頸枕！為頸同頭部提供支撐，瞓幾耐都唔怕「瞓捩頸」！仲有好多唔同功能嘅頸枕選擇，為你嘅旅程提供更舒適嘅體驗～

2 遮光眼罩

如果想喺飛機上好好休息，就要記得帶備遮光眼罩！為你隔絕外界嘅光源，防止陽光同埋機上嘅燈光影響晝夜節律，減少時差嘅不適，令你更容易入睡！

#3 降噪耳機

唔好睇少隔音耳機嘅重要性！可以輕鬆隔絕機上各種滋擾噪音，還可以配合播放舒適柔和音樂，幫助入睡，一覺瞓醒就到目的地！

#4 兒童機上用品

如果同小朋友一齊出遊，就更加要做足準備！市面上有好多實用嘅兒童機上用品，例如兒童耳機、兒童頸枕等等，都會令小朋友嘅旅程更加舒適，家長們亦都可以帶定兒童玩具，適當哋分散小朋友嘅注意力，減少喺飛機上哭鬧嘅情況發生！

#5 外置充電器

搭飛機悶起上嚟實會碌電話，打機、睇片打發時間，如果唔想玩到冇曬電乜都做唔到，就記得帶埋外置充電器上機，即使玩到落機都仲有充足電量！