转眼间又踏入秋冬，除咗係时候执下衣柜，拎返啲冬天衫出嚟，千其唔好唔记得收埋咗成年嘅秋冬家电！想知道今年流行咩新款电器？又想知道有咩款式係必买？切勿错过以下秋冬人气必备清单！

1. 暖风机及电暖毡

一讲起冬天，又点可能唔提暖风机同电暖毡？呢两样都可以话係秋冬嘅必备产品。钟意睇电视嘅可以考虑将暖风机放置于客厅，透过暖气令成个环境变得暖笠笠，但记住留意发热方式、房间面积同Watt数等；而电暖毡就最适合训觉怕冻嘅人士，购买前可以考虑尺寸、温度调节功能同安全设备，最重要就当然唔好成晚开住佢啦！

2. 浴室宝

天气冻最怕冲凉，特别係冲完凉着返衫个阵，真係需要无比嘅勇气。浴室宝嘅出现简直係冬天嘅救星！选购时除咗可以留意产品价钱、款式、功能等，仲可以考虑体积、耗电量及换气量。

3. 加湿器

转季除咗易病，天气仲会特别乾燥，令到皮肤又痕又甩皮之外，有时太过乾燥仲会流鼻血。近年越嚟越多人重视屋企嘅湿度而购买加湿器係秋冬使用，部分仲会加入香薰精油，放湿嘅同时达到放松舒缓效果。

1. 多功能煮食锅

近年多功能煮食锅越趋流行，一部电器可以提供多种功能如火锅、烧烤、煎炸、煲汤等，方便一众忙碌嘅都市人，亦都适合香港细小嘅居住环境，容易收纳。而秋冬更係打边炉同BBQ嘅季节，立即入手一个新嘅火锅炉或烧烤炉係屋企开大餐！