一年一度令各位男士女士头痛嘅情人节又到喇，唔想临急抱佛脚到时先慢慢谂？即睇以下5个情人节庆祝活动及礼物推荐！

1. 酒店Staycation

相信唔少人都会book定酒店，同另一半过返个浪漫情人节，但切记要提早拣定同预订啊，唔係迟咗除咗价钱分分钟贵成倍，仲好大机会会无位！而唔少人喺staycation个阵都会影相打卡，留个美好回忆，女士们记住带齐扮靓用品，随时随地keep住靓样！

2. 户外露营

唔想去酒店，同另一半去露营都唔错架~ 夜晚可以睇到满天星星，仲可以趁机远离一下喧闹嘅都市生活，当去一个小小旅行。无论係露营新手﹑抑或係露营老手，去前都记住留意天气情况，大风落雨就唔好勉强喇！

3. 炮製情人节大餐

想为另一半下厨，煮返餐好嘅俾佢食？定想同另一半一齐下厨，尝试煮野食嘅乐趣？首先你要了解另一半喺饮食方面嘅取向，有咩钟意同唔钟意食；其次要考虑一下你嘅煮食能力可唔可以应付得到；最后当然要配备适当嘅煮食工具喇！市面上有唔少多功能煮食锅及其他工具，帮你解决一定烦恼！

4. 打机Boardgame night

有时情人节都想同成班朋友一齐过，除咗可以玩近期流行嘅狼人杀，仲有唔少好玩又新出嘅boardgame岩哂消磨时间。唔想玩boardgame，仲可以同成班朋友组队玩switch等游戏，过一个开心欢乐嘅情人节。(*但切记疫情下要注意聚集人数，提高卫生意识！)

5. 安在家中chill一chill

想静静地同另一半留喺屋企简单度过情人节又怕闷？放心！其实有唔少活动都可以喺屋企做架~例如可以食住大餐睇Netflix，Disney +；听歌chill一chill；装饰家中，甚至唱k都可以！即入手无线喇叭等影音产品，为情人节做足准备！

谂好庆祝活动就到情人节礼物喇！了解另一半嘅喜好再秘密入手实用礼物，必定令另一半惊喜万分~仲未谂好买咩好？即睇以下人气礼物推荐，根据情人类型购买喇！