原本以为受疫情影响无得去旅行，应该唔使买数据卡，点知本地数据卡摇身一变成为抗疫恩物……事关营入面无WIFI，虽然会提供2G上网卡，但据讲申请分分钟都要花两日！唔怕，我哋为你搜罗咗几款讯号强劲，网速又快又抵玩嘅数据卡，无论係视像通讯，直播睇片定係打机煲剧都应付到！

 

用数据卡嘅好处

 

启用限期长 总有用到时

即使本身签咗上台计划，都唔怕买咗数据卡会用唔着。佢哋嘅启用期一般较长，况且数据量用几多扣几多，有幸喺依嗰时势用唔着的话，都可以用嚟看门口。哪天数据用多咗想自己加，或后备电子产品要上网……反正总会有用得着嘅时候。

一插即用 方便快捷

大部分数据卡插入电话后，自动开通服务。否则亦只需按包装指示输入申请码，简单易用。

免签约免隧道费 够哂抵玩

数据卡全部都係预付储值电话卡，包埋通话及短讯功能而毋须签约，毋须交隧道费；数据用完先增值或换卡，而唔係每个月重设限额，其实非常抵玩！

配合路由器 变可携式WIFI

去旅行都知可以买WIFI蛋插电话卡同同伴一齐用。其实本地都可以咁用，原理差不多。住村屋或者唐楼嘅朋友，至今可能都未享受到光纤上网。依??时候可以买一部可插卡嘅路由器，直接以 LTE 网络分享宽频。当然，用家要自行衡量数据用量，再选择合适的数据卡计划，但的确係解决龟速上网嘅好方法，所以我哋都为你了弛她文末会推荐几款可插卡嘅路由器。