香港一踏入夏天，天气就会变得又闷热又多雨，有时一落雨就好似开咗水龙头咁，随时落足成个星期，真係令人咩心情都无哂！除咗落雨要带遮，原来仲有啲用品係落雨天必备！即睇以下人气雨天用品选购指南，为呢个雨季做足准备！

抽湿机

落雨天阴阴又湿，屋企随时湿到可以滴出水！太湿嘅话个人又会头重重唔舒服，真係好烦呢。呢个时候一部合适嘅抽湿机就十分重要！选购前可以考虑抽湿量、水箱容量同埋有无额外功能，咁就可以拣到部最适合嘅抽湿机！

乾鞋宝

落雨最唔想见到嘅相信就係对鞋湿哂，有时就算喷咗防水喷雾都无用，连对袜都湿埋！唯有乾鞋宝帮到你！只要将对湿咗嘅鞋放上个架到等十至十五分钟就可以有效去除潮湿同臭味，防止霉菌滋生，同时可以保持鞋型同颜色。

乾衣机及电热毛巾架

落雨天洗衫想快啲干，又唔想件衫有臭味？立即入手干衣机及电热毛巾架~ 除咗有效干衣外，仲有除臭功能、烫平衣物功能、除菌功能等等。

衣物护理机

近期流行嘅衣物护理机透过运用蒸气及气流以低温烘乾衣物，避免衣物因为高温造成收缩或受损，亦都可以快速消毒杀菌及去除衣物异味，有效洁淨、护理衣服，岩哂香港潮湿多雨嘅夏天~

驱蚊灭蚊器

一落雨就会滋生好多蚊虫，有小朋友係屋企唔想令佢地被咬到周身蚊难？立即入手驱蚊灭蚊器！现时好多驱蚊用品都可以同时应付室内外环境，便携式手带或饰物更可以贴身驱赶蚊虫~

雨伞

出街时除咗记得睇天气报告，千其要记得放定把遮係袋以备不时之需！遮除咗可以挡雨外，仲可以遮挡阳光，减少曝晒嘅机会~ 唔少人为咗可以随身携带，都会特别注重雨伞本身嘅质量、UV防晒、重量等要点。