等咗3年，旅游业终于都开始復甦喇！香港人除咗可以逐渐飞去唔同国家旅行，由2023年1月8日开始，政府都宣布首阶段通关，市民经网上预约后就可以往返内地旅行/工作/探亲。整整3年无外游，相信大家都抑压咗强大嘅购物慾！以下係一啲香港人气必买电器清单，等你可以买定至新至潮电器迎接开关/作为手信送俾居于外地嘅家人及朋友！

相机

旅行又点少得为伴侣同风景留低倩影呢，无论係数码相机，定係单反/无反，抑或是运动摄影机都各有捧场客，根据自己嘅需要同影相习惯拣选适合相机，为2023年留低美好回忆！

智能手机

新年除咗买新衫，有啲人仲会想换新电话，贪有个好意头，新年新开始。Apple iPhone上年最新型号发展到iPhone 14；Android用家亦有越嚟越多唔同品牌可以选择，如Samsung、小米、Nokia等。

电脑

电脑用耐左除咗速度会变慢仲会唔够容量，做做下野仲可能会死机！市面上有唔同品牌，唔同配备同唔同款式嘅手提电脑；想方便同随时可用可以选择平板电脑；而一众热爱打机人士就可以选择近年流行嘅电竞电脑。

游戏电玩

对一众机迷嚟讲，去旅行就梗係要去睇下当地有咩游戏值得买，或者会唔会可以用更低价钱入手，好似Switch、PS4、PS5等，有兴趣嘅就记得出发前做定功课，睇下心仪产品有无货喇！

无线喇叭

旅行留係酒店嘅时间比想像中长，冲凉或化妆个阵想用无线喇叭听下音乐/连接电话播放影片？购买一啲方便携带同音质好嘅无线喇叭就岩哂你，绝对可以为整个旅程锦上添花！

美容仪

现时有唔少美容仪嘅功效都媲美美容院，例如RF、HIFU等近年受一众女士们欢迎嘅美容技术，旅行时仲可以带埋洗面机等帮助深层清洁面部嘅机器，清黑头外再加保湿，令到旅行咁多日都可以保持靓样。

风筒及头发造型器

旅行就係女士们打卡嘅时候，化完个靓妆，最紧要整埋个靓头，直发夹同曲发器就可以为头发带嚟唔少造型，而风筒就係令到头发保持柔顺嘅其中一个要点，一啲带有负离子及使用陶瓷/钛金属而製成嘅风筒就可以为头发锁住水份。

旅行用品

3年无去旅行，相信大家都迫不及待想快啲飞/往返内地，一个容量充足嘅旅行箱就绝对岩哂打算去疯狂购物嘅人士。而 Wi-Fi蛋 同 Sim卡 对需要上网搵路﹑搵餐厅同影相打卡嘅人士嚟讲就十分重要。而旅行前及旅行中途都需要用到收纳用品及其他相关用品，如翻译机、安全锁等。

母婴用品

为人父母，虽然身在外地，但个心绝对係为咗自己嘅仔女着想，除咗衫裤鞋袜，仲有餵食用品、床上用品、外出用品、玩具、学习用品及卫生用品等，品牌众多，有时仲会推出礼盒装，可以一次买齐唔同款式。

健康保健

虽然旅游业开始復甦，但疫情依然唔可以轻视。血氧仪可以监察用家嘅血氧饱和度、脉搏频率等身体数据，有助发现身体状况转变，并且及早求医。而体温计及血压计亦可以令用家知道自己嘅身体状况，减低发生意外而不自知嘅机会。