近年越嚟越多香港人爱上饮手冲咖啡，甚至会尝试亲手製作，除咗过程中可以凭自己嘅能力由头开始冲泡一杯味道好嘅咖啡外，仲可以体会慢活人生，放松心情。一杯好嘅手冲咖啡由拣选咖啡粉﹑手冲咖啡器具到冲泡技术都十分讲究，即睇以下人气手冲咖啡用品选购指南，了解唔同手冲咖啡器具，为你带嚟一个good morning！

与平时使用咖啡机製作嘅咖啡唔同，手冲咖啡可以话喺靠直觉嚟冲泡，第一步係将热水淋喺咖啡粉上，并透过滤纸、滤杯等咖啡器具，最后萃取出咖啡液。整个过程只需几分钟，味道却可以大大不同。

常见嘅手冲咖啡器具有︰磨豆机、滤纸、滤杯、手冲壶、咖啡壶、电子秤、温度计。

磨豆机

磨豆机可以分为手动或电动，用作控制咖啡粉嘅粗细程度，如果想饮浓啲嘅咖啡，可以将咖啡豆磨得幼啲；相反想饮淡啲嘅话，就可以将咖啡豆磨得粗啲，取决个人喜好。新手第一次购买手动磨豆机嘅话，建议可以选择「不鏽钢、塑胶」材质，优点喺较易清洁，亦都可以保留每一种咖啡豆独特嘅风味。

滤纸

滤纸嘅功用係将咖啡豆嘅杂质排除，保留萃取嘅咖啡精华。建议可以使用白色嘅滤纸，避免将咖啡同滤纸本身嘅味道混埋一齐。 而有啲用家会淋热水上滤纸，除咗可以去除滤纸嘅纸味，都可以令滤纸变得更贴服。

滤杯

滤杯嘅形状会直接影响手冲咖啡嘅萃取时间同水流速度，新手建议可以先选择最常见嘅锥形滤杯（V60 )，因为其出水口较大，水流速度更快，冲泡咖啡嘅时候就唔会因为造成阻塞而令咖啡出现苦涩嘅味道。

手冲壶

手冲壶嘅壶嘴同口径大小会影响注水量及水流速度，新手如果担心自己注水嘅量唔太稳定，可以选择口径大小一致嘅细嘴壶，提高稳定度。而水流速度越慢，咖啡萃取嘅所需时间就越长，风味都越偏醇厚；水流速度越快，冲泡出嚟嘅味道就会较清爽。

咖啡壶

冲泡好嘅咖啡会落入咖啡壶中，建议可以喺呢个时候将咖啡搅拌，令咖啡嘅风味变得更平衡。

电子秤

如果唔希望饮到一杯过淡嘅手冲咖啡，建议可以喺咖啡壶底下放一个电子秤，一到210g就停止倒水，然后即刻过杯，以保持咖啡浓度。

温度计

用作检查手冲咖啡嘅温度，一般建议喺85~95℃之间，水温越高咖啡溶出嘅成分就会越浓，苦味亦更明显。

立即入手以下人气手冲咖啡器具，由今日开始将屋企变成Café 喇！