一年一度嘅母亲节又到喇，仔仔女女谂好点同妈妈庆祝未呢？会去食一餐好嘅慰劳妈妈？定会买一份为妈妈而设嘅礼物？点都好，最重要都系同妈妈好好相处，珍惜当中嘅时光。但想买礼物又未谂到买咩好？即睇以下人气母亲节礼物选购指南，睇下有咩啱用喇！

母亲节礼物选购小贴士

1. 留意妈妈日常习惯

喺买礼物畀妈妈之前，仔女们可以偷偷地观察妈妈，睇下妈妈最近有啲咩需要。例如妈妈会唔会需要美容仪作面部护理，扮扮靓；按摩仪松一松，减轻疲劳；新款家电帮轻家务，打理屋企。

2. 符合妈妈喜好

除咗留意妈妈嘅日常生活习惯之外，仔女们都可以买一份符合妈妈心水嘅礼物。大家可以留意下妈妈最近有咩兴趣。如果妈妈锺意煮嘢食丶研究新食谱，仔女们可以挑选新款煮食工具，让妈妈发挥所长，大展厨艺。如果妈妈系锺意听音乐或者煲剧，仔女们可以挑选新款耳机丶手机丶平板电脑，令妈妈紧贴科技潮流。

3. 注重物品实用性

拣到妈妈心头好之馀，仔女们亦要留意份礼物够唔够实用，系咪容易操作。如果该物品有太多又复杂嘅按钮，或者需要操作设定，我哋应该尽量避免挑选，免得妈妈担心唔知点用而降低使用意愿。

在家美容

女人们无论咩年纪都系贪靓嘅！面部美容仪丶洗面机丶头发造型器或脱毛机等人气美容产品就最啱一众贪靓妈妈！出街前扮一扮靓，心情都特别醒神！

轻松松一松

为头家辛劳咗咁耐，一部适合嘅按摩仪可以帮妈妈舒缓肌肉及减轻疲劳。市面上有唔同类型嘅按摩仪，手部、脚部、手提形式、甚至系按摩椅，针对唔同部位，令妈妈得到最舒服嘅体验！

煮食新用具

妈妈成日要出入厨房，个个都有返咁上下厨艺，一于係母亲节为妈妈增添新嘅煮食工具啦！多功能煮食锅、焗炉、榨汁机、麵包机等都係唔错嘅选择！妈妈有新玩具，仔女就有食神喇！

家务必备

想令妈妈做家务个阵可以轻松啲？有无谂过为妈妈更换屋企旧个啲家庭电器？无线吸尘机、空气清新机、挂烫机等都係近年大热嘅选择。换新电器，妈妈做家务都可以轻松啲又快啲~

至潮科技

如果妈妈对音乐有兴趣或者想善用时间好好煲剧，入手耳机、无线喇叭、平板电脑等都可以满足妈妈嘅需要，随时随地睇OPPA都唔怕嘈亲仔女！