「绿色生活」、「环保」、「可持续发展」等等嘅字眼唔再係空谈！近年好多商家透过推出各种活动同优惠，向市民推广「低碳」、「走塑」嘅绿色生活，鼓励市民从生活小改变做起，轻松将环保融入日常，所以GO GREEN一啲都唔难！

绿色生活小贴士

1. 主动「走塑」

要解决严重嘅塑胶汙染问题，就唔可以忽视源头减废嘅重要性。为咗响应环保，近年好多餐厅都唔再主动提供饮管，所以大家可以做多一步，自备环保杯套同饮管。

2. 自备水壶，悭钱又环保

大家知唔知製造、运输到上架樽装水，总共可以排放成千上万公吨嘅二氧化碳！想减少呢啲「碳足印」，我哋应该减少购买樽装水，改为自备水壶。

3. 带饭盒、走餐具

买外卖嘅时候，相信个个都试过俾人问走唔走餐具。其实塑胶餐具喺堆填区所佔嘅比例愈来愈高，分分钟「塑胶围城」！而我哋可以做嘅，就係减少使用塑胶餐具，转用环保餐具同饭盒。

4. 使用纯素香氛产品

生活中经常听到以动物为香水原材料嘅残酷事实，好似龙涎香就係取自鲸鱼肠道。而纯素香水同香氛蜡烛顾名思义，只会对植物进行天然萃取，完全唔含动物成份！所以热爱香水嘅女仔们不妨考虑入手纯素芳香产品。

产品推介

1. 环保饮管及杯套

夏天热辣辣，只要路过饮品店，总係忍唔住买杯凉浸浸嘅手摇饮品～不过杯身好快会冒水珠。如果唔想隻手湿晒，可以考虑Elephant Cuppa大象杯专用杯套，加埋轻巧嘅大象杯同配备嘅粗幼身环保饮管加清洁饮管嘅小毛刷，乾淨又卫生。外出嘅时候仲可以用ZOKU嘅伸缩不鏽钢饮管，体积细小，方便携带！

2. 环保水壶

好多饮品店都会推出各种有关低碳生活嘅活动，例如只要客人自备水壶装饮品，就会获得额外优惠，啱晒一众饮品控，GO GREEN小能手仲唔係你？而市面上有好多实用嘅环保水壶，主要由可再生资源製成，不含有害物质，部份更内置紫外线杀菌功能，十分安全可靠，而且有啲水壶例如Stojo嘅仲有摺迭式设计，方便携带至极！

3. 环保餐具

唔知大家有冇遇过，食蛋糕嘅时候将金属叉放入口，就会有阵金属味喺口腔入面散开……真係好扫兴。如果选用钛金属製造嘅餐具，即可避免以上情况发生。耐腐蚀係钛产品最大嘅特色，所以进食时唔会溶出物质，唔驶再忍受金属异味，能够品尝美食嘅原味道。而Slowood嘅钛餐具係折叠式设计，有别于一般餐具因无法折迭而浪费空间，方便轻巧又坚固耐用。玻璃饭盒同样唔会有异味问题，Glasslock强化玻璃盒使用嘅材质健康、环保、无毒，而且容易清洗，唔会残留气味同色渍。

4. 纯素香水及香氛蜡烛

Juniper Ridge香水是透过蒸馏各种植物，再提取其中香气所配製嘅，而呢啲野生收穫嘅精油混合物就係Juniper Ridge香水嘅芳香基础。另外，Dani玻璃蜡烛以大豆製造，由于大豆嘅燃烧温度较低，有效延长蜡烛嘅燃烧时间50%，更可燃烧约60小时！纯素香水同香氛蜡烛材料天然，香气纯粹，一齐香喷喷过绿色生活啦！

5. 天然手工皂

手工皂一样成份天然，例如Blue Earth嘅纯素肥皂係由百份百全天然草本成份及精油製成，而且功能齐全，能为皮肤消炎、去角质、舒敏等，环保之馀仲可以护发、护肤。