话咁快又到新年喇，大家准备好同家人过返个肥年未呢？但开心还开心，一啲传统嘅新年习俗都唔好唔记得啊~ 以下为大家介绍 5 大新年习俗，同时推荐新年必买人气家电，等大家可以以全新家电迎新年！

5大新年习俗

1. 新年期间不可剪发

相信好多人都会赶係农曆新年前去修剪头发，因为传统认为如果係新年期间使用剪刀或剪发器等利器会有破财嘅意思，所以大家切记避免係新年期间先剪头发，有时间就好去剪咗先喇！但新年前夕发型屋book唔到点算好？你可以用人气剪发器及剃鬚刨轻轻修剪一下毛发先，亦都可以放係屋企以防不时之需！

如果头发长得滞又未剪得切？唔紧要，人气风筒及头发造型器就可以帮你係新年期间尽情扮靓，营造唔同造型，令你拜年都可以醒神过人~

2. 年廿八洗邋遢

除咗头发要修剪，当然唔少得要帮屋企大扫除，洗邋遢喇！意思就係将所有肮髒嘅东西都係年廿八呢日清洗乾淨，有啲家庭仲会用碌柚叶冲凉，寓意去除身上嘅霉气。一部功能合适嘅吸尘机就非常岩大扫除用喇~ 选购前可以考虑重量、噪音、电线等，即睇 人气吸尘机比较及选购攻略 了解更多！而年廿八都係一个合适嘅时间为衣服等物品进行断捨离，再重新收纳，整理好旧物品係新一年重新出发。

3. 年三十团年饭

如果新年无食团年饭就唔係过年了！最常见菜式会有鸡、鱼、蚝豉同虾，寓意有计、年年有馀、好市同每日哈哈笑，一餐饭随时超过 5 样菜式！唔想係厨房煮成日又无咩时间预备？近年都多咗人选择係年三十晚打边炉，除咗方便，新年期间仲可以暖笠笠添~ 即睇 人气火锅及烧烤炉选购指南 了解更多！

4. 行大运

以往团年饭后活动当然係行年宵，寓意行个大运，沾尽福气，但为顾及自身及家人健康，儘可能减少前往人多地方，但食太饱留係屋企都想郁动下？即选购以下运动及健身器材，令你安坐家中都有行大运嘅感觉！

5. 初三赤口

相传呢日特别容易同人发生口角争执，所以多数人都会留係屋企，拜少一日年，好好休息。但係屋企抖得多好闷唔知做咩好？以下人气视听娱乐产品定必为你係新年期间解闷，随时增进家人之间嘅感情。