一開關，首選同老公去日本自駕遊浸溫泉，我地選擇嘅係主打做日本本地人生意嘅溫泉，而非專做外國旅客嘅溫泉旅館。所以去咗日本秋田縣乳頭溫泉鄉嘅「蟹場溫泉」同埋乳頭溫泉鄉入面嘅大佬「鶴の湯温泉」。

第一日：主要係先安頓好，為第二日轉機到秋田作準備。中午由香港出發到關西，由於第二日早機於伊丹機場轉內陸線到秋田，所以我地主要位於豐中站，食咗日本大叔推介我地食嘅［麺武流 謙信］拉麵店，無諗過樣平平無其嘅拉麵整得咁好味。之後我地去咗行超市，買定第二日早餐。晚上就去咗Hiro Sushi，不單壽司新鮮好味，而且店員亦十分有禮。

第二日：一早由伊丹機場去秋田，到達後去租車公司拎車，然後出發去蟹場溫泉。一到達立即去浸溫泉，一路浸一路睇住個紅葉靚景，真係咩疲勞都無哂。浸完溫泉係溫泉餐館內用餐，菜式豐富，好食，食完抖下又去浸溫泉，溫泉係24小時開放嘅，浸完再飲返支冰牛奶，好爽。

第三日：我地快閃咗3個值得去嘅景點：分別係抱返溪谷、田澤湖同角館。抱返溪谷係行山睇大自然睇瀑布，影相一流，又可以吸收清新嘅空；田澤湖係日本第一深湖泊，主要欣賞湖景及周邊風景；角館就係睇下屋嘅建築風格，欣賞絕美花景。係角館行下食下買下手信，就夠鐘出發去乳頭溫泉鄉入面嘅「鶴の湯温泉」。泉水係乳白色，而且夠熱，戶外景又靚，我係一路浸一路望住個月光，真係好靚。

旅行好物推介：

1) Insta360 Flow手持雲台：去旅行帶相機同時手持雲台亦一定要帶，方便拍片自拍留倩影，紀錄happy moment日時刻可以睇返，就又好似重遊個地方再旅行一次咁。

2) Go Travel Memory Dreame：去旅行一定唔少得呢個超強支撐記憶枕，係等機同飛機上用，休息好，差足電，落機先有精神大玩特玩跑行程。

3) SmartGo Pokefi 隨身無線路由器：我已經係多年用家，真心十個推薦。自從我入手咗後，去邊到旅行都一定帶住佢，無時無刻都可以上網啦，又唔洗要換卡咁唔方便，細細一部袋住走得。

多謝 Jade Jade 投稿行程分享！

第一日：去東京迪士尼海洋玩，因為日本的迪士尼門票比香港仲平，而且三歲小孩子不用購買門票，真係勁抵。我們還可以同卡通人物打卡留念，畢竟係香港真係排成日都排唔到。而呢度有最多的Duffy同Linabell精品。晚上我地可以在看完水上表演之後，返回市區享用一頓美味的和牛宴，好好地享受一下。

第二日：在旅遊平臺上預約去富士山忍野八海一天遊。行程非常充實，適合一家大小想觀光又想有充足休息的需求。我地不需要自己開車，仲可以爭取時間在車上一起休息。呢個團會帶我們去參觀幾個景點，所以看到富士山的機會非常高。小公主還可以在日本最高的五合目郵局寄明信片給香港的爺爺嫲嫲和公公婆婆。

第三日：可以在市區遊玩並瘋狂購物。我們最想去的是新開的Alpen Tokyo，購買一些露營用品。還可以去Shibuya Sky觀賞日落以至夜景，以美麗的東京景色作結。

旅行好物推介：

1) HALLMARK PC可擴充 四輪拉鏈行李箱 HM850T：因為我搭嘅係廉航，去程無買行李，所以可擴充嘅行李喼係回程就大派用場，呀囡係迪士尼買嘅公仔同我地買啲Camping嘢可以放哂入喼，唔洗拎，正！

2) Travelmall XS 擔挑型數字顯示行李秤：因為我地只會買30kg回程行李，所以一個準又輕便嘅行李秤就不可缺少，確保唔會買多過30Kg，咁先唔會比人罰錢架嘛！

3) USATISFY 專業入門級360°人臉追蹤全方位提攝美拍桿 Pro：我地要去迪士尼同Shibuya sky，但我同呀囡真係信唔過老公嘅拍攝技巧，加上時間太緊湊，我覺得爭取時間用棍影更有保證，啲相一定又靚又方便快捷。

多謝 Fun Kx 投稿行程分享！

第一日－仙台藏王狐狸村：由東京上野出發到仙台市坐新幹線，到達著名的「藏王狐狸村」，可以近距離睇到咁多懶洋洋的可愛狐狸。場內仲有抱小狐狸的活動，還可以到雪地上影下佢地萌萌的睡姿。仙台牛舌名滿全國，今次回到仙台市試呢間「善治郎」係其中一間最受歡迎的名店。用炭火燒出嚟牛舌香! 脆! 嫩!好食到不得了!

第二日－銀山溫泉：號稱「千與千尋」取材地的古溫泉街就在眼前，每一處都是影相打卡靚位，洋溢復古典雅氣氛。等到日落才是銀山溫泉的真正面貌，在雪景與燈火交映下，彷如置身日本大正浪漫時代。

第三日－藏王溫泉：到達以溫泉水量龐大澎湃見稱的藏王溫泉區，由溫泉水形成的瀑布河流，在攝氏負10度之下冒出幕幕白霧煙霞，比較銀山溫泉又係另一種風情。下午乘登山纜車到山頂，欣賞山上樹林一座座巨大雪人的「樹冰」奇觀。靜待入夜後的樹冰點燈，五色幻彩的模樣又是另一番夢幻景象。落山到「お食事処 桃園」食個熱辣辣既成吉思汗烤肉，有山形和牛和藏王本地羊肉，好味到難以致信，港幣約$100一碟！

第四日－「五感之湯」溫泉旅館+ 藏王滑雪場：邊泡著溫泉邊欣賞窗外晨光下的白色世界，浸完再食個靚早餐，下晝先開始滑雪啦！日本東北的最後一晚，以溫泉旅館的美味三元豚Shabu Shabu作結~

旅行好物推介：

1) Insta360 Go 3 (64GB) Action Kit 運動相機：體形輕巧，放係隨身袋唔重之餘，其磁吸功能更方便我騰空雙手作不同活動，大大方便我上山下海和極限運動時拍攝。

2) KODAK 柯達 Mini2 復古相片打印機：細細部易於放背囊又輕身唔阻空間，令我在何時何地都能把相片送到旅途朋友的手上

3) OverBoard 4L Pro-Light防水腰包：令我可以把錢和passport等貴重隨身物品，甚至手機﹑相機於出海游水時隨身攜帶

多謝 鋒加西亞 投稿行程分享！

第一日：一定要去富士山，感受一下它的仙氣，所以首日立即要去富士山。下的一個新景點，二丁目商店街 ，平凡的街道上卻充滿富士山的風情。

第二日：走入童話世界感受Disney sea 的夢幻世界，而當中的「翱翔：夢幻奇航」就更是不可錯過，一個讓你坐在席上就可以無界限地飛往世界各地，把各地名勝盡收眼底，為旅程中加添另一奇妙之旅。

第三日：感受日本夜景之美－晴空塔，夜間閃閃發亮令人眼前一亮，而且它的美不是獨當一面，而是零死角無極限。

旅行好物推介：

1) Rollogo 旅行箱系列ESCAPE S ：小巧有型的行李箱，旅行之中當然不可缺少

2) Thanko 晴雨兼用Fanbrella風扇雨傘：有著涼風防曬去到邊都可以風雨也不怕啦

3) Minimeis G4 嬰兒背架：輕鬆帶埋小朋友四圍去，輕輕巧巧都可以全家安心出行。

多謝David manman投稿行程分享！

第一日：一落機就出發去白濱，到酒店放低行李之後就去ToreTore市場，係西日本最大規模嘅海鮮市場，有好多唔同嘅海鮮同和歌山的農產品賣。我地係食左海鮮同和牛燒烤，非常好味。然後我地就去左睇三段壁同千疊敷，行得好舒服。今次我地Book左間唔錯嘅溫泉酒店，食完晚飯就返房浸下溫泉休息一下。

第二日：我地搭巴士出發去新宮，沿路山景非常靚。去左日本第一大鳥居的大齋原，及建造在巨石峭壁上嘅神倉神社，然後去左熊野速玉大社。之後入住紀伊勝浦的浦島飯店，以廣受太平洋激烈風浪侵蝕所形成之洞窟內溫泉「忘歸洞」而聞名，係山洞入面浸溫泉嘅體驗值得一試。

第三日：出發去大門坂，係全球唯二被列入世界遺產的朝聖路。之後去左熊野那智大社同那智瀑布，中間搵左間茶室，望出去全部都係山景！然後返大阪，係酒店放低行李就去左利久牛舌食晚飯，再係難波行下街就返酒店休息。

第四日：朝早去四天王寺，有好多國寶和文物，仲有日本庭園「極楽浄土の庭」。食完午飯去左萬博紀念公園，行左自然文化園、日本庭園、國立民族學博物館同埋上左太陽之塔。之後就出發去機場搭飛機返香港。

旅行好物推介：

1) Insta360 Go 3 (64GB) Action Kit 運動相機：佢細細舊唔洗煩塞唔入個袋，輕輕鬆鬆地記錄旅行嘅一點一滴。

2) Deseno 尊爵魔力 運動款胖胖箱 防爆新型拉鍊行李箱：有依個胖胖箱，就輕鬆塞晒我啲戰利品。而且個行李箱形狀夠晒特別，咁就唔洗驚拎錯行李啦。

3) Momax UA8 65W 旅行適配器：平時去旅行之前都要特登睇下個個地方用咩插頭，有就唔洗咁麻煩，去勻全世界。

多謝Tsang Lok Tung投稿行程分享！

想去日本京都同大阪！京都超有古代日本感，而大阪則回到現代日本食玩買。

第一日：早上先到清水寺著和服影靚相打卡，像回到舊時代般的體驗。午餐後便轉到奈良睇小鹿，超chill又治癒的行程。

第二日：早餐過後去宇治走走，來個當地的抹茶體驗，再去參觀平等院，聽說平等院旁的Starbucks 也是非常漂亮。看完日落後便打包行李出發到大阪。

第三日：到大阪必去的當然是環球影城，要玩盡所有遊戲及拍美美照片，當然要早點去，一於玩到黃昏後才回到市區內吃晚飯。

旅行好物推介：

1) Insta360 Go 3 運動相機：記錄旅程的點滴，還能在玩機動遊戲時記錄最刺激的一刻！

2) Deseno 尊爵魔力 運動款胖胖箱 防爆新型拉鍊行李箱：方方正正容量超大，方便血拼時把所有手信放到箱內

3) haha TRAVEL 4-Ports GaN 充電器 100W：旅行最快手機沒電拍不了美照，找不到路，有了這個便能每晚來到酒店把大家的手機、相機、power bank等，都快速叉滿，真的很重要

多謝Maggie Wong投稿行程分享！

第一日：由香港直航去到東京，無論你喺成田機場定係羽田機場落機，都可以乘搭鐵路或者巴士去到東京車站。由東京搭北陸新幹線去到北面嘅金澤，只係需要兩個幾鐘，其實非常方便！金澤市入面最出名嘅拉麵店肯定係麵屋大河，喺Tabelog入面長期佔據金澤拉麵嘅頭三位。食完晚餐不妨去到金澤車站隔離嘅 FORUS商場，金澤百番街就有大量金澤手信，離開金澤之前一定要預留時間行一行啦！

第二日：喺咁古色古香嘅地方，當然最適合著上日本傳統和服，喺兼六園、 東茶屋街、金澤城等地方影相打卡。金澤最傳統嘅和服叫做加賀友禪和服，大約港幣$200至$300嘅基本和服套裝已經適合大家。金澤地方擁有多間和服店，但一定要提早網上或者電郵預約。

第三日：今日嘅行程重點就係搭城限定嘅豪華觀光列車前往和倉溫泉。出發之前到近江町市場，裏面充滿各式各樣嘅新鮮海產，例如係石川縣著名嘅加能蟹、 富山灣海蝦等等。

旅行好物推介：

1)    HoverAir X1 Combo超輕自拍飛行相機：只係需要三秒就可以升空拍攝，配埋後備電池同充電座，去幾日旅行都唔驚冇電。

2)    haha TRAVEL 磁吸無線移動電源 10000mAh：可同時為3台智能設備充電，就最適合我呢一種帶埋咁多攝影器材去打卡嘅旅客啦。

3)    ThuleCovert 相機背包 DSLR 24L：背囊入面提供可拆式相機內袋同埋可隨意調整嘅內部空間。

多謝Ziggy Tao投稿行程分享！

第一日：去食吳服町出名的內臟鍋，食過先知原來係牛肥腸加上一堆配料做的一個熱鍋，幾特別，香港應該食唔到未見過！食飽就散步去民宿，2廳2房有露台，幾乾淨實用

第二日：位於赤坂的一個漁市場叫福岡中央長濱漁市場，去日本食魚生，當然要食最新鮮！我地叫左吞拿魚、海膽、時令魚刺身，食飽更可到13樓觀望台看一看海景。然後到全日主打去坐渡輪出發去能古島啦！花園滿佈著時令的花海，至少有十多種不同花在盛放，美美地打卡一流，超開心！

第三日：用JR pass坐去由布院，去溫泉酒店放低行李就去逛出名漂亮的金鱗湖啦。經湯之坪街道去，沿途超多小食及手信店，先去金鱗湖看看，果然美不勝收，天然之湖，清澈的水，好值得一到！晚餐試試當地出名炭烤豐厚牛及地然飯，有肉味及炭香味，好食！

第四日：坐JR去別府八色溫泉巡禮，每個溫泉都有介紹起源及不同名字！中間仲有餐廳可以小休一下食個布甸，然後晚上就要坐JR返博多食涮涮火鍋，之後就返民宿休息去～

第五日：坐JR到門司港，再坐船到下關的唐戶漁市場，然後回到門司港碼頭看出名的打卡點香蕉人及附近的洋式建築。食飽起行去看小倉城及火車館，再到火車館觀賞舊式的日本火車，然後去中央商街食晚餐。

第六、七日：係大名商圈及博多一日遊，按摩、扭蛋，行到邊食到邊，隨心周圍遊一日。食過靚早餐，就去機場坐午機返香港！

旅行好物推介：

1)    MONOCOZZI TSE 特韌尼龍行李帶：旅行買爆行李係基本，所以一定用超強行李帶包住，一爆開嘅話手信就會無啦～有佢才可保障行安全到家！

2)    A.L.I MAXBOX 8011 剎車輪前蓋可擴充行李箱：可鎖可擴充，摺細左就可方便攜帶，有隔板方便分類，喜歡整齊嘅我當然要入手啦～多功能又方便又細心既設計，外型又美觀！

3)    VINNIC TABOCHE 65W PD GaN 旅行轉換插頭：任何國家地區都用到，真正萬能插蘇，仲可以一次差電五部機，相機、手機、手錶、美肌儀、一個備用，旅行必買之選！

多謝 Siu Mui Wong Chan 投稿行程分享！

第一日：我同朋友以極速時間係機場附近取車，然後就到酒店附近的餐廳，食一個豐盛的晚餐，同埋我地在餐廳上巧遇貓頭鷹。

第二日：我地以自駕遊為主，早上，第一個Check-point當然係宮古島海中公園，宮古島海中公園是一個小型的水族館，它有一條好長的觀賞設施，隔著玻璃窗就輕易欣賞到海底世界，還有一個可以觸摸池，可以接觸海洋生物，然後就係附近餐廳食飯，當中的紀念店更有售賣宮古島的特產，還可體驗以貝殼製作相框等小手作。第二個Check-point 當然係海邊走去浮潛，因為宮古島的大海，被稱為「宮古藍」，海底的能見度非常高，仲可以近距離同海龜一齊暢泳，晚上就係海邊附近的餐廳食海鮮。

第三日：早上就去池間島行一圈，池間大橋沿途左右兩邊都可以看到無邊無際的大海，沿途都有一些景點，行完一圈，最後就去雪鹽Museum，內有展示室及製鹽所，解釋宮古島的雪鹽跟一般所用的鹽有何分別，更可以買到由雪鹽製作的週邊產品，如護膚品及調味料等！

旅行好物推介：

1)    Thule Exeo 背包 28L：無買行李所以需要極大容量的背包，做到1個背包就可以行走江湖，而且背包設計時尚同好舒服，就算揹足全日都唔會累。

2)    Insta360 Go 3 運動相機：相機輕巧，且功能性強，咁就可以輕易拍出日與夜的靚靚相片。

3)    SKIDY MD09 智能易閱屏全科多功能掃讀自學速學：浮潛導師不懂粵語，有時只能靠動作或簡單英語來表達，但只要有翻譯筆，導師就可以繼續講日文，而我地就透過翻譯筆來聽粵語，並不受語言束縛。

多謝issac chu投稿行程分享！

韓國真係好適合同朋友或者屋企人一齊短短地玩番幾日架！食野買野打卡樣樣都滿足到。

第一日：到埗可以先去明洞，明洞有五六間找換店非常方便， 匯率仲十分抵。明洞有五花八門嘅餐廳， 有燒肉、醬油蟹、韓式紫菜包飯等等地道韓式美食，仲有地道嘅小食檔 一次過可以試晒魚糕、炸熱狗、韓國雞蛋糕、燒龍蝦樣樣都好吸引。醫飽左個肚就可以瘋狂shopping喇！ 不論係潮流服飾，化妝護膚品、家品都可以一次過係明洞買到， 仲好多選擇添，真係要預留多點時間係明洞先得。

第二日：去到韓國一定要去試下韓式自拍館， 係弘大就好多間韓式自拍館可以選擇，有好多道具、 相框款式可以選擇，更加有埋直髮夾比大家執靚個髮型先影添， 而且係自助模式， 唔洗怕羞～ 影完相順便去埋附近嘅大學參觀， 附近都有好多好靚嘅cafe，食野打卡都一流～ 玩到差唔多就起行去參觀星空圖書館。 星空圖書館館藏量十分多， 有巨大嘅書牆可以打卡， 晚上配合埋燈光好浪漫。

第三日：去參觀有600年歷史嘅景福宮， 附近仲有韓國傳統服飾租借店。換上韓服進入景福宮參觀簡直有時光穿梭到古代嘅感覺， 而且著韓國入景福宮仲係免費添～如果唔洗趕飛機嘅話就必定要去埋依家最紅嘅熱點聖水洞喇， 聖水洞一個地方就有齊依家好多韓國都會著嘅品牌、 文創商店、打卡cafe， 一個地方滿足到幾個願望～

旅行好物推介：

1) Travelmall 專利3D按壓式充氣護理頸枕： 搭飛機休息得更舒服，落機之後先可以有精力去玩

2) TORRAS Coolify 3穿戴式冷暖控溫機掛頸風扇： 夏天又熱又流晒汗，行遠少少都冇心情， 有左佢就舒適好多～

3) GoPro HERO11 Black 運動相機： 輕巧又方便， 隨時可以拍低旅遊點滴。

多謝Kawai Tam投稿行程分享！

開關後想去韓國釜山旅行 ，話哂同閨蜜第一次出國，好多嘢都想同佢體驗，尤其係著韓服！

第一日：早餐食完Issac Toast就出發去「甘川洞文化村」，出發之前已經search定個度嘅韓服體驗，但天氣真係太熱，唯有揀件短袖嘅韓服，去揾小王子嘅蹤影，狂影影影。

第二日：一早就落左「海雲台」感受下微微海風同細沙，去食《超人回來了》介紹嘅「古來思魚糕」，真心勁好味，食到無停口。

第三日：去左釜山南浦洞，光復路嘅「時尚文化街」，呢條最熱鬧的購物主街包含韓國服飾、潮牌、球鞋、美妝保養文具店通通都有，小街道裡也都有商店可以逛，一直連到BIFF廣場，仲有扶手電梯可以上去「釜山塔龍頭山公園」，最後當然係去「樂天超市」掃貨。

旅行好物推介：

1) RANVOO Aice3 智能掛頸穿戴冷氣機

2) Insta360 Go 3運動相機

3) Thanko晴雨兼用Fanbrella風扇雨傘

咁就唔怕夏天落雨/暴曬同方便玩户外活動啦～

多謝SzeSze Cheung投稿行程分享！

第一日：仁川大公園看櫻花，一下子被粉紅色花海包圍，沿著櫻花隧道往內走，便會到達湖旁，在湖水襯托之下，更覺美不勝收。

第二日：到加平上泉站，看到歐陸式建築物，並且聽見音樂聲，路上愈來愈多櫻花，多是白色，與仁川大公園的不同。

第三日：首爾的春天，繁花盛放，我們決定這天去賞鬱金香，來到弘濟站，最終在一處山腰找到鬱金香花田，五顏六色、整整齊齊一大片，旁邊還有幾棵開到荼蘼的櫻花樹。

旅行好物推介：

1)    DJI大疆RS 3 Mini輕裝簡行輕量旅拍穩定器：我喜歡拍攝花朵，尤其是大片的花海，旅拍穩定器有助拍攝穩定的短片，而且重量不到800克，方便隨身帶備。

2)    iNHOME多功能無線燙斗：外出旅行都想著靚衫影靚相，斯文靚衫尤其容易皺，無線燙斗可以方便隨時燙衫。有時害怕酒店床鋪不夠乾淨，還可以用熱力殺菌。

3)    Thule Covert相機背包DSLR 24L：由於喜歡影相及拍片，加上很多時會順道行山，需要帶備的東西不少，多功能背包具最合用，而且有可拆式相機內袋，又可隨意調整內部空間，能夠配合不同行程變化。

多謝Vienna Leung投稿行程分享！

第一日：出發去台北科教館，好啱小朋友探索科學，下午去鄰近嘅新樂園玩機動遊戲，入場券好平，可買套劵或俾現金玩遊戲，小朋友玩到樂而忘返，但5點就要休館，最後去了士林夜市食小食。

第二日：我地去野柳地質公園，海天一色，加上泥土色嘅奇形怪石造出仙境般嘅浪漫，望住個海吹陣清風令我終於明白放鬆舒爽嘅感覺，但一定要做好防晒。如果要影女皇頭一定要排隊，另有海蝕洞、豆腐石、壺穴等風化石都好值得慢慢欣賞！接住我哋去埋野柳海洋世界，有兒童天地和海龜、海豚海獅等海洋生物，表演同展館都好豐富！晚餐就去咗食海鮮，三點蟹，又鮮甜食到停唔到手，仲有蒜茸炒魷魚真係好彈牙，蒸沙白甜到連汁都撈埋，好圓滿。

第三日：去左九份老街，有美味嘅芋圓仙草冰，大大碗又平又好食！仲可以欣賞下風景，一邊行老街一邊試食其實都已經好飽，最欣賞台灣香水檸檬蜜糖汁真係超解渴！仲有新鮮出爐嘅鳳梨酥，令你難以抗拒，努力買手信！

旅行好物推介：

1) Torras Coolify Zone 掛腰風扇：炎炎夏日有左佢去旅行更清爽舒適

2) Trunki 小朋友行李箱：因為當我們等車買門票時可以安靜小朋友，小朋友會坐在行李箱自己玩而且仲可以手提上機，機場買左嘅手信可放入去。

3) Minimeis G4 嬰兒背架：因為台北好大，好多景點需要體力行，但小孩耐力有限，如果可以背起她對行程進度有好處，唔洗吓吓咁早就離開景點去食飯！

多謝 Yanda Chan 投稿行程分享！

第一日：參觀捷運美麗島站－光之穹頂。被譽為是世界上最美的捷運站之一，因爲我酒店的位置離美麗島不遠，趁去酒店check in的中途在此站稍作停留，影靚相。下午可以遊覽駁二藝術特區，文青必去的熱門景點。園區每一個角落都能透露出藝術的氣息，有好多充滿文藝氣息的小店舖和很多創意爆棚、新奇有趣的文具或手信，絕對會買到停唔到手。夜晚去六合夜市，以海鮮為特色主打，例如沖繩花枝燒烤魷魚﹑鵪鶉蛋配蝦﹑焗烤海鮮貝﹑章魚燒﹑海產粥等等。仲有好多手信店，一路飲飲食食同時順便買手信，比起商城店舖性價比高好多。

第二日：義大遊樂世界算唔上高雄火爆嘅景點，但對於鍾意遊樂園嘅人，係一定不能錯過。義大遊樂世界係古希臘設計，充滿繽紛色彩。如果平日去，基本不需要排隊。遊樂園仲可以玩到好多VR遊戲包含門票內，所以玩成日都係200左右港幣，相當抵玩。

第三日：旗津半島係我在高雄嘅朋友強烈推薦嘅地方，適合花半天時間遊覽。旗津半島嘅彩虹教堂自然是打卡嘅必去之地，租架單車吹著海風環島騎行，在小巷中徜徉穿梭，還可以係主街的商業店鋪逛逛，試下高雄特色的雪糕和其他新奇的零食。下午在高雄shopping，我梗係揀夢時代啦，有高雄之眼摩天輪，可以欣賞到市景及海景。行街休息的時候就去坐下摩天輪，掃走一天疲累。

旅行好物推介：

1) RANVOO Aice 3 智能掛頸穿戴冷氣機：夏日旅行，一定要酷熱天氣做足準備工夫。呢款同普通掛頸風扇唔同，獨特雙層半導體秒速冰感裝置，可以秒速降溫，如同身處室內冷氣房，是真正的穿戴式冷氣機，有左呢個神秘武器，去邊度玩都不會怕熱啦！

2) haha TRAVEL 100W GaN 快充通用旅行轉插座：非常實用又小巧輕便，無論旅行目的地係邊，都可以support到。而且提供高達100w輸出功率，叉電勁快，就算臨出發先發覺唔夠電，叉幾分鐘都可以支持幾個鐘。

3) FUJIFILM 富士 instax mini Evo 即影即有相機： 它提供10 種鏡頭效果同埋10 種底片效果 ，可以體驗100 種不同組合，點玩都唔會厭。機身皮革設計好有復古氣息，相機上列印的照片可以保存係手機，十分方便！

多謝Bobo Wong投稿行程分享！

如請一日假去旅行得三日兩夜我會揀馬來西亞沙巴。因為直航機2.5鐘到，機場離沙巴最大城市哥打京都巴魯(KK市)才20分鐘車程,非常方便免卻運輸車程時間可以多的時間玩。

第一日：check in酒店後就去KK市味雅餐廳食著名海南雞飯同到裝飾如咖啡袋圖一樣舊街場內觀光同搵好嘢食。先去參觀當地著名神聖水上清真寺，整個建築外圍用大片湖水圍繞，影相打卡一流。然後逛當地最大商場。晚餐實食沙巴著名海鮮餐廳海王城。魚蝦蟹蜆只要講得名幾乎有得食，特別係奶油蝦食到返唔到轉頭。

第二日：去當時海岸國家公園「東姑阿都拉曼」有5個小島組成，每個島每日都限人數上島。最近沙比島船程唔使半個鐘，上島後租用浮潛工具可以徒手浮潛，百分百可見到Nemo小丑魚及其他好多珊瑚魚。島上有餐廳解決午餐。島上還可以自費玩其他活動，例如降落傘、水上電單車、香蕉船等，晚上到KK市海邊餐廳王上王再食多餐海鮮。

第三日：要好好享受酒店設施。KK市是出名渡假地連吉隆坡當地人也去沙巴渡假。所以有許多五星級酒店大都在KK市。所以最後一天我會留酒店遊水，做SPA按摩及打卡影相。

旅行好物推介：

1) hahaTravel 100W快充通用轉插座：每次出門手機2部+ipad+旅行風扇等一定要有安全又快插充電

2) Dicapac C2S 6.9" 防水電話套：浮潛想影相一定不可缺它

3) USATISFY 專業入門級360°人臉追蹤全方位提攝美拍桿 Pro：出外旅行最怕請人幫影相。都係用呢個自拍掍最好

多謝 Zheng Pat 投稿行程分享！

第一日：去好出名嘅火車夜市，梗係同班好朋友一齊食當地最著名嘅海鮮生醃！唔同嘅泰式辣汁加埋海鮮，一定好好食。梗係要買一個芒果糯米飯，飲返芒果沙冰。夜市都可以行街，買唔同當地潮流服飾，仲可以整指甲添！之後梗係搭篤篤車返酒店。

第二日：起身食個早餐，就可以去泰國嘅動物園。第一時間抱老虎仔影相，之後去餵長頸鹿同駱駝，仲同泰國大象影相添！仲有唔同嘅表演，例如西部牛仔表演可以睇。另外梗係要去四面佛拜下，祈求身體健康。再去隔離嘅Central world行街，過埋Big C mall買手信！入邊有唔同嘅泰國魷魚零食、芒果乾、公仔麵等等，係買手信嘅好地方！

第三日：去泰國大皇宮睇吓玉佛寺等等，認識泰國嘅歷史。去完就搭船去對面嘅鄭王廟着泰服，難得一場嚟到泰國，梗係要打吓卡！然後去海濱夜市，仲有摩天輪，有得食有得玩，又有得打卡！

最後一日：去泰國最出名icon Siam到行街shopping。入面仲有一個模仿水上市場嘅Food Market，可以喺冷氣入邊食地道小食！買完手信之後，就去做返泰式按摩！難得嚟到泰國點可以唔做按摩？按一按全身鬆晒。咁樣就可以relax返香港啦！

旅行好物推介：

1) RANVOO Aice 3 Air 淨化穿戴冷氣機：去到泰國咁熱，梗係隨身帶定，成個人都涼浸浸舒服啲

2) haha TRAVEL 30W 旅行通用萬用快充充電插座：去到泰國，電掣都唔一樣，叉電係好重要，所以一定要帶轉插器。

3) KODAK 柯達 MiniShot2 Retro復古無線即影有相機及相片打印機：難得同朋友去多次泰國都係梗係要記錄低每一刻唔同嘅時光，仲可以即刻印啲相出嚟

多謝 Rebecca Ngan投稿行程分享！

第一日：前往麥哲倫十字架、聖嬰大教堂。再前往 Crown Regency Hotel頂樓38樓有三種空中遊樂設施。可以的話一定要待到黃昏的時候，38樓面海的夕陽真的超級無敵美～

第二日：前往Malapascua，這是一個美麗的小島，擁有壯觀的自然景觀和海灘。建議可以直接在這裡浮潛，到了夕陽時間可以往白燈塔的方向走，享受美麗的日落。

第三日：前往 Kalanggaman 跳島，一個壯麗的白色沙灘，擁有清澈的海水和豐富的海洋生物，但是非常看漲退潮的時機，我參加了潛水和浮潛活動，探索這個美麗的海洋生物世界。我還在島上享受美食和飲品，並在島上的帳篷或小屋中休息和放鬆。

旅行好物推介：

1)    B&O Beoplay H95無線頭戴式耳機：擁有最先進的ANC主動降噪系統，自適應主動式降噪功能更是透過APP設定。無論在飛機、火車或是旅館房間，都能為我提供極致的聆聽體驗。

2)    Rollogo旅行箱系列ESCAPE S：高品味智慧的旅行箱系列設計非常實用，功能增強，空間更充裕。

3)    KandaoQoocam 8K 企業版：擁有兩個1/1.7“ 20MP傳感器，讓我可以在旅行中拍攝更清晰、更詳細的圖像，尤其是在復雜的光照條件下拍照。

多謝 WS Lau投稿行程分享！

第一日：係英國搭eurostar前往巴黎，先去酒店放低行李，再出發去巴黎鐵塔，行下影下睇下風景，欣賞埋閃燈嘅巴黎鐵塔後，食飽後返酒店前經過凱旋門又影下相到此一遊。

第二日：到羅浮宮，雕刻細緻嘅藝術品同古典嘅油畫真係壯觀，唔少得要望吓最出名嘅蒙娜麗莎名畫，行完眼晴好滿足。

第三日：一早就出發去巴黎迪士尼，個城堡仲要係粉紅色 ！遊戲設施有五星級大鼠、魔盜王、coco！午餐同晚餐都係樂園內食薯條漢堡包之類嘅快餐，最後睇埋煙花作結，足足玩了一整日！

旅行好物推介：

1) ACER 宏碁四輪對開行李箱：旅行不能沒有行李箱，四輸易推，皮革色手把特別得來又靚。

2) Thanko 晴雨兼用Fanbrella風扇雨傘：落雨擔遮好正常，最怕係猛太陽會曬黑同出斑，佢有防曬塗層可阻擋紫外線防UV，仲韌性勁！

3) Keyssmart KBT5109 藍牙智能掛鎖：有試過在歐洲國家旅遊，背包被扒手打開的經驗，加個掛鎖保護個人物品，個鎖夠輕巧，可配合app使用。

多謝MingMing Lee投稿行程分享！

炎炎夏日，香港天氣非常炎熱，最好出走到地球的另一邊，過一個清涼的夏日。冰島係一個非常值得推介的地方!

第一天：坐咗廿幾個鐘飛機終於到達冰島，身心俱疲， 需要好好休息一下，所以到著名的Blue Lagoon浸浸溫泉、 敷敷白泥，讓身心及皮膚都好好享受一下才正式開始冰島的旅程。

第二天：到史卡福特冰川健行，感受一下壯麗的冰川。

第三天： 遊覽冰島黃金圈，到Geysir感受一下 間歇泉的威力， 並到Gullfoss欣賞澎湃的金瀑布及到Kerio欣賞火山口湖及奇形怪石。

第四天： 回到冰島市中心雷克雅未克逛逛街，看看著名的鯨魚骨，並到市政廳、哈爾格林姆教堂打下卡。

第五天：轉機到丹麥哥本哈根， 順道到哥本哈根市內遊走一下，品嚐美味甜品再坐飛機回港。

旅行好物推介：

1) Insta360 Go 3 (64GB) Action Kit運動相機：方便到冰川健行時影靚相。

2) Deseno尊爵魔力 運動款胖胖箱 防爆新型拉鍊行李箱：去冰島需要轉機好多次，所以好需要一個防爆又容量大的行李箱。

3) haha TRAVEL 100W GaN 快充通用旅行轉插座：去旅行必須備有至少一個快速充電轉插座，為相機及電話充電。

多謝Ching Ching投稿行程分享！

第一日：我們到達悉尼國際機場，並前往酒店休息。下午我們前往悉尼歌劇院，欣賞了令人驚艷的歌劇院建築和海港美景。晚上，我們在海港橋附近的餐廳享受了美食和美景。

第二日：我們前往悉尼動物園，看到了許多澳洲本土動物，如袋鼠、袋熊和無尾熊。這些動物的可愛和獨特性讓我們非常著迷。下午我們前往市中心，逛了逛悉尼塔和女王維多利亞大橋。

第三日：參加了一個郊區旅遊，前往藍山國家公園和詹姆斯敦。在藍山國家公園中，我們看到了令人驚艷的景色和美麗的瀑布。在詹姆斯敦，我們體驗了澳洲的歷史和文化，並品嚐了當地的美食。

第四日：前往悉尼海灘，享受陽光、沙灘和海灘活動。在海灘上我們玩了排球、游泳，和孩子們一起建造沙堡。晚上我們參加了一個當地的音樂節，享受了悉尼的夜生活。

第五日：參觀了悉尼水族館，看到了許多美麗的海洋生物，如鯊魚、海星和珊瑚。這是一個非常有趣和教育性的體驗，孩子們也非常喜歡。

第六日：參觀了悉尼皇家植物園，看到了許多種植物和花卉。這是一個非常平靜和美麗的地方，讓我們放鬆身心，享受大自然的美麗。

旅行好物推介：

1) Insta360 Go 3 運動相機：因為它輕巧便攜，可以拍攝高品質的4K視頻，並使用流暢的超級穩定模式拍攝穩定影像，讓我捕捉旅程中的美好瞬間，更加有趣和難忘。

2) Thanko 晴雨兼用Fanbrella風扇雨傘：提供風扇和雨傘的雙重功能，這款創新的產品不僅能讓我更輕鬆地享受旅行，還能為我帶來更好的旅行體驗。

3) Momax UA11 1-World 20W 3-插口+AC 旅行充電插座：為我解決旅途中不同國家的插座不兼容的問題，讓我免除充電的煩惱。它的多種插頭設計和AC電源插口，能更方便地為各種設備充電，讓旅程更加輕鬆自在，更好地享受旅行的美好。

多謝 Belinda Lam投稿行程分享！